Монгол Улсын Засгийн газраас Замын-Үүд, Эрээн боомтын үйл ажиллагааг сайжруулах ажлын хэсгээс Гадаад харилцааны яамаар дамжуулан БНХАУ-тай бараа эргэлтийг нэмэгдүүлэх талаар хэлэлцээ хийж, удаа дараа хүсэлт тавьсан.

          Тэгвэл өнөөдөр Эрээн хотын Цар тахлаас урьдчилан сэргийлэх, хянах шуурхай штабаас мэдэгдэл гаргаж, гурав сар гаруйн хугацаанд саатсан бүтээгдэхүүнийг татаж авахаар болсноо мэдэгджээ. Өнөөдөр буюу нэгдүгээр сарын 27-ны 00:00 цагаас эхлэн Замын-Үүд боомтоор нүүрс, төмрийн хүдэр, зэсийн баяжмалыг шат дараатайгаар экспортлохоор болсон байна.