Крипто зах зээлийг тэргүүлэгч Биткойн токений ханш 2021 оны есдүгээр сараас хойш анх удаа 40 мянган ам.доллароос доош уналаа.

          “Coin Metrics”-ийн мэдээлснээр Биткойны ханш өчигдөр 39,771 ам.доллар болж буурсан байна. Мөн крипто зах зээлийн хоёр дахь тэргүүлэгч Ethereum-ийн ханш 3000 ам.доллароос буурч, 2979 ам.долларт хүрчээ.

Холбооны нөөцийн сангийн 2021 оны арванхоёрдугаар сарын хурлын протоколд тэмдэглэснээр балансаа багасгаж, мөнгөний бодлогынхоо дэмжлэгийг зогсоож, хүүгээ өсгөж болзошгүй гэсэнтэй холбоотойгоор криптовалютын ханш тогтворгүй болж, ханш нь унасан гэж шинжээчид үзэж байна.

Одоо олон улсын крипто зах зээлд Биткойн 41,530 ам.доллар, Ethereum 3037 ам.доллараар арилжаалагдаж байгаа юм.