“Рио Тинто” групп Аргентин Улсын Салта муж дахь литийн гурвалжингийн голд байрлах Ринкон давсны уусмалын төслийг 825 сая ам.доллароор худалдан авахаар тохиролцжээ. Энэ талаар шинжээчид “Рио Тинто” групп Серби дэх Жадар төслөөс гадна дахин литийн амбицаа өргөжүүлж байна” гэж онцолсон байна.

Аргентины литийн уурхайн төслийг 2009 оноос хойш боловсруулж байгаа “Ринкон Майнинг” компанийн мэдээлснээр шинэ олборлох аргаар тус уурхайгаас 24 цагийн дотор түүхий давсны уусмалаас литийг гаргаж авах боломжтой юм.

          Шинжээчдийн үзсэнээр ирэх 10 жилд автомашины зайнаас хамаарч, литийн эрэлт жилд 25-35 хувиар өсөх гэнэ. 2030 он гэхэд цахилгаан автомашины борлуулалт дэлхийн нийт суудлын автомашины 55 хүртэлх хувийг эзэлж, 65 сая ширхэгт хүрэх хандлагатай байгаа аж.