Өмнөд Африкт илэрсэн B.1.1.529 хувилбартай холбоотойгоор газрын тосны үнэ 10 хувиар унажээ

А. Азсайхан:
Эдийн засаг- Мэдээ мэдээлэл

2021-11-27, 572

Өмнөд Африкт B.1.1.529 гэж нэрлэсэн 50 гаруй мутаци, 30 орчим төрлийн баяжуулах уургаас бүрдсэн “Ковид-19”-ийн шинэ төрлийн “аймшигтай” гэж тодорхойлсон хувилбар дэгдсэн талаар бид мэдээлсэн.

Тэгвэл Өмнөд Африкийн B.1.1.529 хувилбар дэгдэж, олон улс яаралтай арга хэмжээ авч эхэлснээс хойш газрын тосны үнэ 10 хувиар унасан байна.

АНУ-д газрын тосны фьючерс үнэ 11 хувиар унаж, нэг баррель нь 70 ам.доллар болсон бол, дэлхийн газрын тосны жишиг Брент төрлийн газрын тосны үнэ мөн адил буурч, нэг баррель 73 ам.доллар руу унажээ.

Газрын тосны үнэ Dow индекст 1000 гаруй нэгж буюу 2.8 хувиар, S&P 500 болон Nasdaq индекст хоёр хувиар буурсан үзүүлэлт гарсан байна.

Харин Азийн зах зээлийг тэргүүлэгч Хонконгийн Hang Seng индекст 2.7 хувиар, Японы Nikkei индекст 2.5 хувиар, FTSE100, Францын CAC40 болон Германы DAX зэрэг индекст 3-4 хувиар унасан аж.

Өмнөд Африкт илэрсэн B.1.1.529 хувилбартай холбоотойгоор газрын тосны үнэ 10 хувиар унажээ