БНХАУ-ын аравдугаар сарын экспорт өнгөрсөн оны мөн үеэс 27.1 хувиар өсөж, сүүлийн 13 сар дараалан өссөн үзүүлэлттэй болоод байна.

Энэ оны БНХАУ-ын нийт экспортын үнийн дүнгийн 60 орчим хувийг автомашин, цахилгаан бараа эзэлжээ. Өнгөрсөн хэдэн сарын хугацаанд олон улсад нийлүүлэлтийн доголдол үүсээд байгаа ч, эсрэгээ БНХАУ-ын худалдаа цар тахлын өмнөх үетэй харьцуулахад тэлж, эдийн засагт дэмжлэг үзүүлэх болсон аж. Үл хөдлөх хөрөнгийн салбарын уналт, эрчим хүчний хямрал, цар тахлаас шалтгаалан удаашрах төлөвтэй байсан БНХАУ-ын эдийн засаг эргэн сэргэж эхэлсэн байна.

          Ташрамд дурдахад, энэ оны эхний 10 сарын статистик мэдээллээр Европын холбоо, АНУ дэлхийд экспортоороо тэргүүлж байгаа юм.