АНУ-ын автомашин түрээсийн “Hertz” компани 2022 оны эцэс гэхэд цахилгаан хөдөлгүүртэй автомашины түрээсийн парк байгуулахаар “Tesla” компаниас 100 мянган автомашин захиалсан. Уг захиалгын дараа “Tesla” компанийн нэгж хувьцааны үнэ 12.7 хувиар өсөж, “Tesla” компанийн захирал Элон Маск нэг өдрийн дотор 36 тэрбум ам.долларын ашиг олжээ.

Тэгвэл нэг өдөрт 36 тэрбум ам.долларын ашиг олсон Элон Маск “Forbes”сэтгүүлээс гаргадаг тэрбумтнуудын жагсаалтыг  нийт 289 тэрбум ам.долларын хөрөнгөтэйгөөр тэргүүлж, дэлхийн хамгийн баян хүн болсон байна.

          Дэлхийн баячуудын жагсаалтад Жефф Безос 193 тэрбум ам.долларын хөрөнгөтэйгөөр Элон Маскын араас удаалж байгаа бол дөрөвдүгээр байранд Билл Гейтс 150 тэрбум ам.доллар, 10 дугаар байранд Уоррен Баффет 105 тэрбум ам.долларын хөрөнгөтэйгөөр жагссан юм.