Монгол Улсаас өнгөрсөн наймдугаар сарын 25-нд зах зээлд гаргасан IHC буюу Их койн олон улсын криптовалютын зах зээлийн анхны өрсөлдөөндөө шуугиан тарьжээ. Их койноос мэргэжлийн боксын хүнд жингийн дэлхийн аварга асан Деонтей Уайлдерын маргааш буюу аравдугаар сарын 9-нд АНУ-ын Лас Вегас хотод Тайсон Фьюригийн эсрэг тулалдах тулааныг ивээн тэтгэсэн.

Тэгвэл мэргэжлийн боксчныг ивээн тэтгэсэн мэдээлэл цацагдсаны дараа Их койн 100 тэрбум койны эхний хэсгээ хэдхэн минутын дотор 10 сая.доллароор борлуулсныг “Businesswire” эдийн засгийн вебсайт онцолсон байна.

Мөн “Crypto Daily” криптовалютын өдөр тутмын мэдээллийн сайтад Их койныг “Монголын тэргүүлэгч криптовалют” хэмээн онцолсон аж. Харин зарим эдийн засаг судлаачийн үзэж байгаагаар Деонтей Уайлдер болон Тайсон Фьюригийн тулааны дараагаар Их койны зах зээл дэх ханш унах магадлалтай аж.