Газрын тосны үйлдвэрийн талбайн 36 мянган ам метр усны резервуарын бетан цутгалтын ажил эхэллээ

2021-08-13, 567

Дорноговь аймгийн Алтанширээ сумын нутагт баригдаж буй газрын тос боловсруулах үйлдвэрийн төслийн талбайд 36 мянган ам метр усны резервуарын бетон цутгалтын ажил өнөөдөр буюу наймдугаар сарын 13-ны өдрөөс эхэлж байна.

Газрын тос боловсруулах үйлдвэрийн инженеринг, худалдан авалт, барилга угсралтын нэгдүгээр багц ажлын ерөнхий гүйцэтгэгчээр “Жэй Эм Си Прожектс Инди” компани шалгарч, 2020 оны арваннэгдүгээр сард гэрээг байгуулан үйлдвэрийн технологийн бус барилга байгууламжийн барилга угсралтын ажлыг эхлүүлсэн.

Үйлдвэр байгуулах ажил үндсэн дөрвөн үе шатаас бүрдэх бөгөөд эхний ээлжийн багц ажлын хүрээнд дараах байгууламжуудын барилга угсралтын ажил багтаж байна. Үүнд:

Иргэний барилга, байгууламжууд
Түүхий ус хадгалах сав
Үйлдвэрийн талбай дах автозам
Цахилгаан дамжуулах агаарын шугам (ЦДАШ)
Бор хөөвөрийн говиос түүхий ус дамжуулах хоолой
Бор хөөвөрийн говь дахь худгууд
Бор хөөвөрийн говь дахь өргөх насос станц
Технологийн байгууламжуудын шугам хоолойг суурилуулахад бэлтгэх ажил
Үерийн ус зайлуулах систем

Үйлдвэрийн иргэний барилга, байгууламжууд болох угтах байр-1, угтах байр-2, лаборатори, анхан шатны тусламжийн төв, хоолны газар, оффис сургалтын төв, агуулах, засварын цех, гал унтраах ангийн барилга угсралтын ажил хянагдсан зураг төслийн дагуу үргэлжилж, газар шорооны ажил бүрэн дуусаж, бүтээцийн ажлууд хийгдэж байна.

Газрын тосны үйлдвэрийн талбайн 36 мянган ам метр усны резервуарын бетан цутгалтын ажил эхэллээ