Монгол Улсын Засгийн газрын 2021 оны долдугаар сарын 7-ны өдрийн 203 дугаар тогтоолоор өнөөдөр Ашигт малтмал,  газрын тосны газраас “Тэлмэн ресурс” компанитай  Өмнөговь аймгийн Гурвантэс, Ноён сумдын нутагт байрлах “Гурвантэс XXXV” талбайн нүүрсний давхаргын метан хийн Бүтээгдэхүүн хуваах гэрээг байгууллаа.

“Тэлмэн ресурс” компани нь үндэсний хөрөнгө оруулалттай компани бөгөөд  2019 онд Газрын тосны тухай хуулийн дагуу эрлийн ажил гүйцэтгэх гэрээ байгуулж, нэг жилийн хугацаанд “Гурвантэс XXXV” талбайд нүүрсний давхаргын метан хийн дундаж агуулга 82.3 хувьтай байгааг тооцоолсон юм.  

Мөн тус компани нүүрсний давхаргын метан хийн хайгуулын ажилд 10 жилийн хугацаанд 8.9 сая ам.долларын хөрөнгө оруулалт хийхээр төлөвлөсөн байна.