Монголбанк энэ оны зургадугаар сард 2.3  тонн үнэт металл худалдан авч, оны эхээс өссөн дүнгээр нийт 9.3 тонн үнэт металл худалдан авчээ. Энэ нь өмнөх оны мөн үетэй харьцуулахад 1.5 тонноор буурсан үзүүлэлт юм.  

Тайлант хугацаанд буюу зургадугаар сарын хувьд Дархан-Уул аймаг дахь Монголбанкны хэлтэс 112.5 кг,  Баянхонгор аймаг дахь Монголбанкны салбар 107 кг үнэт металл худалдан авчээ. Монголбанкны нэг грамм алт худалдан авах дундаж ханш өнгөрсөн сарын байдлаар  167,924.18 төгрөг байлаа.