УИХ-ын гишүүн Л.Гантөмөр цаг үеийн асуудлаар сэтгүүлчдэд мэдээлэл өглөө. Тэрбээр "Ардчилсан намын дотоод сонгууль хэдийгээр хэл амтай ч гэсэн сонгууль болсон хойно нэг хэсэг нь ялдаг, нөгөө хэсэг нь ялагддаг. Сонгууль амжилттай болоод их хурлаа хийгээд Үндэсний бодлогын хороогоо баталсан. Өчигдөр анхны хурал болж, их хуралд нэр дэвшүүлэх журам баталж, Ерөнхийлөгчийн сонгуульд нэр дэвшүүлэх журам хэлэлцүүлсэн. Ардчилсан намын Ерөнхий нарийн бичгийн дарга, дэд даргаар ямар хүмүүс ажиллуулах вэ гэдэг дотоод хэлэлцүүлэг өрнөж байна. Нэр дэвшиж байгаа хүмүүс намынхаа үйл хэргийг хэрхэн олон түмний хүсэл зорилгодоо нийцүүлэх, намын даргын ажилдаа хэрхэн туслах вэ гэдгийг Үндэсний бодлогын хорооны гишүүдэд ойлгуулах ажил явж байна. Үндэсний бодлогын хорооны хурал, санал хураалттай давхцаж байгаагаас нэг хоногийн завсарлага авсан" гэв.