УИХ дахь АН-ын бүлгээс мэдээлэл хийлээ. Бүлгийн дарга Д.Ганбат "Ерөнхийлөгчийн Авлигын эсрэг хуульд тавьсан хоригийг дэмжиж байна. Мөн Ерөнхийлөгчийн өргөн барьсан өрх бүрд нэг сая төгрөгийн дэмжлэг үзүүлэх тухай тогтоолын төслийг дэмжих нь зүйтэй гэж үзсэн. УИХ-ын чуулган завсарлахаасаа өмнө энэ тогтоолыг заавал батлах хэрэгтэй. Ерөнхий сайдын томилгоог бас хэлэлцлээ. Нэр дэвшигч Л.Оюун-Эрдэнийг дэмжихгүй байх шийдвэр гаргасан. Учир нь, танхимаараа хариуцлага хүлээж байна гээд огцорсон хэрнээ өмнөх Засгийн газрынхаа Хэрэг эрхлэх газын даргыг Ерөнхий сайдаар томилох нь ёс зүйгүй үйлдэл. Мөн сайд нар нь ч ялгаагүй дараагийн Засгийн газартаа орж ажиллах боломжгүй" гэлээ.