П.НАРАНБАЯР: Парк хашаагаар хүрээлсэн биш, цэлгэр ногоон байгууламж байх ёстой

2022-03-22, 23853

Хөдөлмөрийн Үндэсний намаас хүүхдийн паркийн шинэчлэлттэй холбоотой асуудлаар мэдээлэл хийлээ. Энэ үеэр тус намын гишүүн, ЧД-ийн ИТХ-ын дарга н.Баярмагнай “Байрныхаа гадаа машинаа тавих зайгүй, хүүхдүүд ч байрны гадаа амар тайван тавьж чадахгүй байдалтай 30 жил хот төлөвлөлтийн асуудалтай явлаа. Үүнтэй адил паркийн асуудлыг өнөөдөр ярьж байна. Ялангуяа, гэр хороололд хүүхдийн тоглоомын газар, амралт зугаалгын газар ховор байдаг. Энэ ч утгаар Чингэлтэй дүүргийн хэмжээнд энэ тал дээр анхаарч ажиллаж байна” гэв.

Харин ХҮН-ын удирдах газрын гишүүн Золжаргал “ Паркийг ногоон байгууламж болгох санал иргэдээс ирж байна. Нөгөө талаар орчин нь муу бол хүн олигтой ажиллаж чаддаггүй юм байна гэдгийг мэргэжилтнүүдтэй ярьж байгаа. Парк бол бэлэг тэмдэг. Үндэсний цэцэрлэгт хүрээлэнгээ өөрчлөхөөс бидний хандлага эндээс эхэлнэ” гэлээ.

Нийслэлийн иргэдийн хурлын төлөөлөгч П.Наранбаяр “ НИТХ жилийн өмнө ажлын хэсэг байгуулсан юм. Анх паркийн 35 га газрыг өгсөн байгаа юм. Тэгээд мэрж идсээр байгаад 31.4 га газар болсон. Харин ч бүгдийг нь хуваагаад аваагүй нь их юм гэж баярлаад байгаа юм. Үлдсэн энэ газар дээр хийгдэх төлөвлөлтийн асуудлыг бид ярьж, иргэдийн санал сэтгэгдлийг сонсож байна. Парк гэдэг хашаагаар хүрээлэгдсэн биш, цэлгэр ногоон байгууламж байх хэрэгтэй. Зүлгэн дээх хүүхэд тоглож, голд хөлөө дүрдэг орчин байх хэрэгтэй” гэсэн юм.

П.НАРАНБАЯР: Парк хашаагаар хүрээлсэн биш, цэлгэр ногоон байгууламж байх ёстой

Шинэ мэдээ

Нийтлэлчид