Хөвсгөл аймгийн Тосонцэнгэл сумын Тээл багт Сэлэнгэ мөрөнд завь нь хөмөрч долоон хүн голын усанд осолдсон хэрэг гарсан. Тодруулбал, дөрөвдүгээр сарын 21-нд ослын тухай дуудлага Онцгой байдлын газарт ирсэн юм. Эрэн хайх ажиллагааг тавдугаар сарын 2-ны өдрийг хүртэл зохион байгуулж, дөрвөн хүний цогцсыг олж, гурван хүний цогцос олдоогүй тул эрэн хайх ажиллагааг ар гэрийнхэнтэй нь зөвшилцөж зогсоосон байсан билээ.

Харин зургадугаар сарын 3-ны өдрийн 21:40 цагт “Тосонцэнгэл сумын Сэлэнгэ багийн Эрлийзийн ферм гэдэг газарт усанд эмэгтэй хүний цогцос байна” гэх дуудлага иржээ. Дуудлагын дагуу тус аймгийн Онцгой байдлын газрын алба хаагчид очиход завьтай осолдсон долоон хүний нэгнийх нь цогцос байжээ.