• Өнөөдөр 2025-04-29

Хохирогч А-ийн дүү: Ах зүү залгисан эсэхийг эмч нар л сайн мэдэж байгаа

2021-05-27,   2074

Нөхрийнхөө хоолонд зүү хийж, идүүлэхийг завдсан гэх хэрэг цагдаагийн байгууллагад бүртгэгдэж, эхнэрт нь 2.6 жилийн хорих ял оноосон билээ. Тодруулбал, Увс аймгийн цагдаагийн газарт тус аймгийн Сагил сумын харьяат иргэн А хандсан байдаг. Тэрбээр “Хоолноосоо найман ширхэг зүү олсон. Дээрх хэргийг шалгаж өгнө үү” хэмээн албаныханд хандсан юм. Тухайн иргэний хүсэлтийн дагуу шалгалтын ажиллагаа явуулахад, хохирогчийн эхнэр гэр бүлээс гадуурх харилцаанаас үүдэн нөхөртөө дургүй болсон учраас түүнийг хорлох зорилгоор хоолонд нь олон тооны зүү хийж, идүүлэхийг завдсан гэж мэдүүлсэн билээ. Увс аймаг дахь сум дундын Эрүүгийн хэргийн анхан шатны шүүх 2021 оны тавдугаар сарын 17-ны өдөр хэргийг хэлэлцээд шүүгдэгч М-г Эрүүгийн хуулийн тусгай ангийн 10.1 дүгээр зүйлийн 1 дэх хэсэгт заасан “Хүнийг алах”-ыг завдсан гэмт хэрэг үйлдсэн гэм буруутайд тооцож, хоёр жил зургаан сар хорих ял оногдуулан шийдвэрлэсэн юм.

Энэ хэргийн талаар хохирогч А-ийн дүүтэй холбогдож тодруулахад “Ахын минь биеийн байдал сайн байгаа. Эхнэр нь хорих ял авсан гэж сонссон. Ах, ээж хоёр малаа хараад хөдөө байгаа. Ах зүү залгисан эсэхийг эмч нар л сайн мэдэж байгаа. Өөр мэдээлэл өгөхгүй” гэв.

 

 


Хохирогч А-ийн дүү: Ах зүү залгисан эсэхийг эмч нар л сайн мэдэж байгаа
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.