ТАНИЛЦ: УИХ-ЫН ГИШҮҮН Б.ДЭЛГЭРСАЙХАНЫ ТАВИУЛ, “ШИВЭЭ ОВОО” ХК-ИЙН ГҮЙЦЭТГЭХ ЗАХИРАЛ Ц.ЭНХТҮВШИНГИЙН ТЕНДЕР ТҮҮЖ, ТӨСӨВ ХОНХОЙЛГОДОГ НОЦТОЙ БАРИМТ

Ц. АМУНДРА:
Эрэн сурвалжлах

2023-12-01, 17276

Баруун гартаа төрийн компанийн тамга, зүүн гартаа хувийн компанийн тамгыг атгачихаад тендер түүж, төсөв хонхойлж суудаг дарга нараасаа ангижирч чадахгүй нь ээ, Ардын намынхан. Уг нь энэ оныг “Авлигатай тэмцэх жил” болгон зарлаж, шүгэл, шүүр, шилэн, шувуу нэртэй сүржин ажиллагаануудыг эхлүүлж, төрд үүрлэсэн хулгайч нарт хорогдох газар, орогнох нүх үлдээхгүй гэж их л сүржин лоозогносон. Атал төрийн өмчийн компаниудын дархан эрхтэй дарга нарт Ардын намын удирдлагуудын шүгэлийнх нь дуу сонсогдоогүй, шүүрнийх нь иш, шувууных нь далавч хүрээгүй бололтой. Тодруулбал, Төвийн бүсийн дулааны цахилгаан станцуудыг эрчим хүчний нүүрсээр хангадаг “Эрдэнэс Монгол” ХХК-ийн харьяа “Шивээ овоо” ХК-ийн гүйцэтгэх захирал Ц.Энхтүвшин эхнэр, төрсөн дүү нарынхаа нэр дээр компани байгуулчихсан, төрийн тендерүүдийг хуу хамж, төсөв хонхойлж суугааг бид баримтаар илчилж байна.

Төрийн өмчит “Эрдэнэс Монгол” ХХК-ийн харьяа, 33 жилийн түүхтэй “Шивээ овоо” ХК-ийн Гүйцэтгэх захирлаар Завхан аймгийн уугуул Цэдэндамбын Энхтүвшин гэгчийг 2017 оны тавдугаар сард томилсон. Анх томилогдохдоо л “УИХ-ын гишүүн Б.Дэлгэрсайханы шахааны хүн” гэх хаягтай, шошготой очиж байв, “Шивээ овоо” ХК-д. Судлаад үзвэл, УИХ-ын гишүүн Б.Дэлгэрсайхан, “Шивээ овоо” ХК-ийн гүйцэтгэх захирал Ц.Энхтүвшин хоёр үнэхээр л эртний найзууд ажээ. Тодруулбал, Б.Дэлгэрсайхан, Ц.Энхтүвшин хоёр 1987 онд НАХЯ-ны дэргэдэх Цэргийн дээд сургууль буюу одоогийн Хууль сахиулах их сургуулийг хуульч мэргэжлээр хамт төгсжээ. Улмаар 1987 ондоо Б.Дэлгэрсайхан нь Дорноговь аймгийн Цагдаагийн хэлтэст мөрдөн байцаагчаар, Ц.Энхтүвшин нь Завхан аймгийн Цагдаагийн хэлтэст эрүүгийн төлөөлөгчөөр тус тус томилогдож очсон байгаа юм. Тэдний нөхөрлөл үргэлжилсээр, 2016 онд УИХ-ын гишүүн болсон Б.Дэлгэрсайхан Ц.Энхтүвшинг Замын-Үүдийн Гаалийн газарт албаны даргаар түр томилуулж, улмаар 2017 оны тавдугаар сард “Шивээ овоо” ХК-ийн Гүйцэтгэх захирал болгож дэвшүүлсэн ажээ. Хариуд нь Ц.Энхтүвшин 2020 оны УИХ-ын сонгуулиар Б.Дэлгэрсайханы Ерөнхий менежерээр ажиллаж, хүн хүч, хөрөнгө мөнгийг нь хариуцаж байжээ.

Хамгийн ноцтой нь, Ц.Энхтүвшинг “Шивээ овоо” ХК-ийн Гүйцэтгэх захирал болсноос хойш тус компани туж алдагдалтай, өртэй ажиллаж байгаа. 2021 онд л гэхэд Шивээ овоо” ХК 8.0 тэрбум төгрөгийн алдагдалтай ажиллаж, татварт 11 тэрбум төгрөгийн өртэй гарсан. Гэтэл удирдаж буй төрийн компани нь ийнхүү дампуурлаа зарлах хэмжээнд хасахтай ажиллаж байхад Ц.Энхтүвшингийн хувийн компани нь тендер түүж, төсөв хонхойлж, түүхэнд байгаагүйгээрээ ашигтай ажиллаж буй ажээ.

Тодруулбал, “Шивээ овоо” ХК-ийн гүйцэтгэх захирал Ц.Энхтүвшин 2020 оны нэгдүгээр сард өөрийн эхнэр О.Оюун-Ундрахыг төрсөн дүү нар болох Ц.Энхтөр, Ц.Энхтайван нарынхаа үүсгэн байгуулсан “Мон Тиско” ХХК-ийн хувьцаа эзэмшигч болгожээ. Энэ компани анх 2014 онд байгуулагдсан боловч үйл ажиллагаа явуулдаггүй, “X” тайлан өгдөг, “цүнхний” компани байсан аж. Гэтэл “Мон тиско” ХХК 2020 оны нэгдүгээр сард “Шивээ овоо” ХК-ийн гүйцэтгэх захирал Ц.Энхтүвшингийн эхнэр О.Оюун-Ундрахын мэдэлд ирмэгцээ “Багануур” ХК, “Монголросцветмет” ТӨҮГ, “Шивээ овоо” ХК, “Эрдэнэс тавантолгой” ХК, “Эрдэнэт үйлдвэр” ТӨҮГ-ын тендерүүдэд тасралтгүй оролцож, төвөшгүй шалгарч эхэлсэн байна. Тухайлбал,

“Багануур” ХК-ийн “Дугуй САТ/27.00R49/” нийлүүлэх 2.2 тэрбум төгрөгийн тендер,
“САТ-777 дугуй” нийлүүлэх 1.3 тэрбум төгрөгийн тендер,
“Дугуйт ачигчийн дугуй” нийлүүлэх 208 сая төгрөгийн тендер,
“Нүүрс тээвэр болон туслах тоног төхөөрөмжийн дугуй” нийлүүлэх 486 сая төгрөгийн тендер,
“Эрдэнэс тавантолгой” ХК-ийн “Хүнд машин механизмын дугуй засвар”-ын 74.3 сая төгрөгийн тендер
“Дугуй засварын үйлчилгээнд шаардлагатай материал”-ын 41.8 сая төгрөгийн тендер зэрэгт тус тус шалгарчээ.

Тайлбар: "Мон Тиско" ХХК-ийг Ц.Энхтүвшингийн төрсөн дүү Ц.Энхтөр, Ц.Энхтайван болон эхнэр О.Оюун-Ундрах эзэмшдэг баримт, УБЕГ

Тайлбар: "Багануур" ХК-ийн 2.2 тэрбум төгрөгийн тендерт Ц.Энхтүвшингийн "Мон Тиско" ХХК шалгарсан баримт

Тайлбар: "Эрдэнэс тавантолгой" ХК-ийн "Дугуй засварын үйлчилгээнд шаардлагатай материал нийлүүлэх" тендерт "Мон Тиско" ХХК шалгарч, гэрээ байгуулсан баримт

Мөн Ц.Энхтүвшин өнгөрөгч 2022 оны хоёрдугаар сард өөрийн удирдаж буй “Шивээ овоо” ХК-ийнхаа “Технологийн автомашины дугуй” нийлүүлэх 1.0 тэрбум төгрөгийн тендерт төрсөн дүү нар болон эхнэрийнхээ “Мон Тиско” ХХК-ийг оролцуулаад амжжээ.

АТГ-ын ХОМ-ээс шүүж үзвэл, Ц.Энхтүвшин 2017 онд “Шивээ овоо” ХК-ийн гүйцэтгэх захирлаар томилогдох үедээ жилд 64 сая төгрөгийн орлоготой, 71 сая төгрөгийн хадгаламжтай хэмээн мэдүүлж байжээ. Гэтэл эхнэр, дүү нарынхаа нэр дээрх “Мон Тиско” ХХК-аараа төрийн тендерүүдийг түүж эхэлснээсээ хойш орлого, хадгаламж нь огцом өсөж, 2020 оны ХОМ-тээ жилд 567 сая төгрөгийн орлогтой, 384 сая төгрөгийн хадгаламжтай, 523 сая төгрөгийн авлагатай хэмээн мэдүүлжээ. Өөрөөр хэлбэл, “Шивээ овоо” ХК-ийн гүйцэтгэх захирал Ц.Энхтүвшингийн жилийн орлого нь найм дахин, хадгаламж нь тав дахин нэмэгдэж, түүгээр зогсохгүй бусдаас хагас тэрбумын авлагатай болтлоо хөлжиж, хөрөнгөжжээ.

ТАНИЛЦ: УИХ-ЫН ГИШҮҮН Б.ДЭЛГЭРСАЙХАНЫ ТАВИУЛ, “ШИВЭЭ ОВОО” ХК-ИЙН ГҮЙЦЭТГЭХ ЗАХИРАЛ Ц.ЭНХТҮВШИНГИЙН ТЕНДЕР ТҮҮЖ, ТӨСӨВ ХОНХОЙЛГОДОГ НОЦТОЙ БАРИМТ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 13

Сэтгэгдэл үлдээсэн: 2023-12-02 15:40:15

овоо: цагдаагын хурандаа нар хийхгүй ажилч гэж алгаа бүх салбарт луйвар хийж байндаа
Сэтгэгдэл үлдээсэн: 2023-12-02 07:45:10

zavhan: shalihgui guilagachin l bna
Сэтгэгдэл үлдээсэн: 2023-12-01 12:28:21

Би: Дэлгэрсайханыг Барьж хориоч Тэгээд хоёуланг нь нь гэдсэндээ хөлөө хийлцэхмйг нь хармаар л байна ш ээ
Сэтгэгдэл үлдээсэн: 2023-12-01 10:42:58

ёооё: Тэнүүн огоогоос дутахааргүй шааж дээ
Сэтгэгдэл үлдээсэн: 2023-12-01 10:29:42

Зочин: Монгол улсыг боомилж сульдааж байгаа хулгайчуудыг алсан ч багадна. Есөн үеэр нь шийтгэх хэрэгтэй.
Сэтгэгдэл үлдээсэн: 2023-12-01 10:21:06

Би: Зарим луйварчид “хууль тогтоох” гэж бус” хулгай хийж хага баяжих”, “Монгол улсын Тусгаар тогтнолыг устгах” гэж тэр саарал байшинд төвхөнөдөг нь маш тодорхой шүү!!!
Сэтгэгдэл үлдээсэн: 2023-12-01 08:44:54

Шивээ: Алтансүх гэгчийг удахгүй шалгана гэж бнлээ
Сэтгэгдэл үлдээсэн: 2023-07-22 10:09:28

Говьсүмбэр : Аймагтаа болон улсад яригддаг олон хүний амьдралыг залгуулдаг энэ том уурхайг ингэж дампууруулж байхад төр юу хийдэг байнаа төрийн өмчийн уурхай ар иргэдийн татварын мөнгөөр явдаг хэдхэн муу хулгайчуудад алдана гэж юу байсан юм
Сэтгэгдэл үлдээсэн: 2023-07-22 10:03:54

Завханыхан : Албаны машин унаж үхэр алж зугаацаад явдаг гэсэн үү дэ
Сэтгэгдэл үлдээсэн: 2023-07-22 09:58:43

Шивээ овоо: Ямар их шунал вэ татвар төлөгчдийн мөнгөөр ингэж наадаж болохгүй л баймаар юм
Сэтгэгдэл үлдээсэн: 2023-07-20 17:58:10

Aqua: Дэлгэрсайхантай энэ намар үзэлцэх болж дээ. Зөв л дөө.
Сэтгэгдэл үлдээсэн: 2023-07-20 09:59:14

Шивээ овоо: Орлогч нь гээд Алтансүх гэгч бөгс долоогч хам хэрэгтэн
Сэтгэгдэл үлдээсэн: 2023-07-18 09:06:32

zavhaniihan: uhsen nohoin ******** neg muu guilagachin l bsan bizdee

Шинэ мэдээ

Нийтлэлчид