"Эрдэнэс Тавантолгой" компанийн захирал асан Б.Ганхуягийг өнгөрсөн оны арванхоёрдугаар сарын 09-нд хорих шийдвэр шүүхээс гарсан байдаг.Нүүрсний хэрэгт холбогдуулан прокуророос Чингэлтэй дүүргийн Эрүүгийн хэргийн анхан шатны шүүхэд найман хүнийг, Сүхбаатар дүүргийн Эрүүгийн хэргийн анхан шатны шүүхэд "Эрдэнэс силвер ресурс" компанийн захирал асан Т.Мөнхбаярыг сэжигтнээр баривчилж, цагдан хорих хүсэлт гаргасан байдаг. Тодруулбал, "Эрдэнэс Тавантолгой" компанийн захирал асан Б.Ганхуяг, түүний эхнэр П.Бадамxанд, мөн эгч Б.Нарантуяа, хүргэн Д.Пүрэвдорж, тус компанийн албаны дарга С.Энхтөр, "Сагсайс Редер" ХХК-ийн захирал С.Энхтүвшин, "Хишиг арвин индустрал" ХХК-ийн эзэн Б.Хишигдорж, тус компанийн гүйцэтгэх захирал М.Хүрэлбаатар нарыг цагдан хорих тухай хүсэлт гаргасан юм. Өөрөөр хэлбэл, Б.Ганхуягийг таван сарын хугацаанд цагдан хориод байгаа билээ.

Тэгвэл Б.Ганхуягийг цагдан хориог үргэлжүүлэх эсэх шүүх хурал өнгөрсөн баасан гарагт болжээ. Шүүх хурлын үеэр Б.Ганхуяг болон түүний өмгөөлөгчид шүүгчээсээ татгалзсан байна. 

Энэ талаар Шүүхийн ерөнхий газрын Олон нийттэй харилцах хэлтсээс тодруулахад "Б.Ганхуягийг сулласан нь үнэн" гэлээ. 

Эх сурвалжийн мэдээлснээр “Б.Ганхуягийн шүүх хурал бужигнаантай болсон. Хууль хяналтын байгууллагыхан санал нэгдэхгүй асуудал үүсгэсэн. Хүний эрхийн комиссоос санал оруулсан. Б.Ганхуягийг эрх зөрчигдөж байж болзошгүй гэсэн. Б.Ганхуягийг үргэлжлүүлэн хорих санал гаргасан. Өнөөдөр цагдан хориог нь үргэлжлүүлэх шүүх хурал болно” гэв.

Авлигатай тэмцэх газар, Цагдаагийн ерөнхий газар хамтран гүйцэтгэх ажиллагаа явуулж, дээрх хүмүүсийг саатуулсан. Эрүүгийн хуулийн 22.4 дүгээр зүйлийн 4 /Хахууль авах/, 22.10 дугаар зүйлийн 1/Үндэслэлгүйгээр хөрөнгөжих/, 18.6 дугаар зүйлийн 2.2, 2.3-т /Мөнгө угаах/ зааснаар яллагдагчаар татагдсан байдаг.