ТАНИЛЦ: ТӨВ БАНКНЫ ЕРӨНХИЙЛӨГЧ Б.ЛХАГВАСҮРЭНГИЙН ТӨРСӨН ДҮҮ, ХҮРГЭНИЙХ НЬ ЭЗЭМШДЭГ ОФФИСЫН БАРИЛГУУД БА ОРОН СУУЦНЫ ХОТХОНУУД

Ц. АМУНДРА:
Эрэн сурвалжлах

2023-02-26, 4042

Монголбанкны Ерөнхийлөгч Б.Лхагвасүрэн Хөгжлийн банкны хэрэгт яллагдагчаар татагдаад буй. Түүнийг Хөгжлийн банкнаас “Бэрэн групп”-т зээл олгуулахад нөлөөлсөн гэж Эрүүгийн хуулийн 22.1 буюу “Эрх мэдэл, албан тушаалаа урвуулан ашигласан” зүйл ангиар яллагдагчаар татсан. Тодруулбал, Б.Лхагвасүрэн 2012 оны аравдугаар сард буюу Монголбанкны Хяналт, шалгалтын газрын даргаар ажиллаж байхдаа Хөгжлийн банкны ТУЗ-ийн гишүүнээр давхар ажиллахаар сонгогдсон. Түүнийг Хөгжлийн банкны ТУЗ-ийн гишүүн болсноос жилийн дараа буюу 2013 онд “Бэрэн групп” ХХК Хөгжлийн банкнаас 27.2 сая ам.доллар зээлсэн. Улмаар Б.Лхагвасүрэнг Монголбанкны Дэд ерөнхийлөгч болсны дараахан буюу 2017 онд дахиад 18 сая ам.доллар зээлсэн байдаг. “Бэрэн групп” ХХК нь Хөгжлийн банкнаас авсан хоёр удаагийн зээлийн мөнгөнөөсөө 7.2 сая ам.долларыг зориулалтын бусаар зарцуулсан нь тогтоогдсон. Одоогоор “Бэрэн групп” ХХК-ийн дээрх зээлийн хэрэгт 42 хүнийг холбогдуулан яллагчаар татан шалгаж байгаагийн нэг нь Б.Лхагвасүрэн юм.

Тэгвэл яллагдагчаар татагдаад буй Б.Лхагвасүрэн хууль бус хөрөнгөө төрсөн дүү Б.Лхагвадорж, хүргэн ах П.Дэлгэрнаран нартаа хариуцуулж, оффисын барилга, орон сууцны хотхон бариулах замаар “угаалгадаг” байсан юм биш биз гэж хардах ноцтой өнцөг байна. Тодруулбал, Б.Лхагвасүрэнгийн дүү Б.Лхагвадорж, хүргэн ах П.Дэлгэрнаран нар нь өдгөө хотын төвд өндөр шилэн оффисын барилгууд эзэмшдэг бөгөөд орон сууцны хотхонуудыг ч “өндөглүүлсээр” байгаа юм.

ТӨВ БАНКНЫ ЕРӨНХИЙЛӨГЧ Б.ЛХАГВАСҮРЭНГИЙН ДҮҮ Б.ЛХАГВАДОРЖ, ХҮРГЭН АХ П.ДЭЛГЭРНАРАН НАРЫНХ НЬ ЭЗЭМШДЭГ ХОТЫН ТӨВ ДЭХ ОФФИСЫН БАРИЛГУУД

Төв банканд тасралтгүй 29 жил ажиллаж, сүүлийн дөрвөн жил толгойлж байгаа Б.Лхагвасүрэн 300 саяын орон сууц, 100 саяын хадгаламжтай гэхээс өөр хөрөнгө ХОМ-тээ мэдүүлдэггүй. Төрсөн хүү, Хөгжлийн банкны Хөрөнгийн удирдлагын газрын захирал Л.Тэмүүжин нь ч 20 саяын автомашин, 13 саяын хадгаламжнаас өөр хөрөнгөгүй гэж мэдүүлдэг. Харин түүний төрсөн дүү Б.Лхагвадорж, хүргэн ах П.Дэлгэрнаран нар нь толгой баячуудын тоонд багтдаг гэж болно. Тухайлбал, Б.Лхагвасүрэнгийн дүү Б.Лхагвадорж, эгч Б.Өсөхжаргалынх нь нөхөр, Сонгуулийн ерөнхий хорооны дарга П.Дэлгэрнаран, түүний хүү Сангийн яамны яамны Санхүүгийн бодлогын газрын Санхүүгийн зах зээл, даатгалын хэлтсийн мэргэжилтэн Д.Болор нар нь “Сүмт-Өргөө” ХХК, “Булгат мөрөн” ХХК-ийг хамтран эзэмшдэг. Мөн Б.Лхагвадорж “Ньюсил” ХХК, “Өргөө майнинг” ХХК, “Элс партнерс” ХХК, “Ди Би Би” ХХК-иудыг эзэмшдэг.

Тэгвэл Б.Лхагвадорж, П.Дэлгэрнаран, Д.Болор нарын “Сүмт-Өргөө” ХХК, “Булгат мөрөн” ХХК-иуд нь Б.Лхагвасүрэнг Монголбанкны Хяналт, шалгалтын газрын дарга байх үеэс буюу 2011 оноос эхлэн хотын төв болон ХУД-т оффис, үйлчилгээний өндөр шилэн барилгуудыг “өндөглүүлж” эхэлсэн. Өдгөө тус оффис, үйлчилгээний барилгуудаа аж ахуйн нэгжүүдэд түрээсэлж, ашиг олж буй.

Тухайлбал,

1. “Сүмт-Өргөө” ХХК нь СБД-ийн 1-р хороо буюу Тээврийн цагдаагийн газрын зүүнд урд талд “Сан роуд” гэх 13 давхар оффисын барилгыг барьсан, өдгөө өөрсдөө эзэмшдэг. Тус оффист ихэвчлэн гадаадын хөрөнгө оруулалттай барилга, уул уурхайн компаниуд байрладаг. Мөн Б.Лхагвасүрэн 2016 онд Монголбанкны харьяа “Хадгаламжийн даатгалын корпораци”-ийн гүйцэтгэх захирлаар ажиллаж байх үедээ тушаал гаргаж, төрсөн дүү Б.Лхагвадоржийнхоо “Сан роуд” оффисын 2, 3-р давхрын 716 м2 талбайг төсвийн мөнгөөр түрээсэлж байсан баримт бий.

2. “Сүмт-Өргөө” ХХК нь ХУД-ийн 3-р хороо буюу ХУД-ийн ЗДТГ-ын зүүн хойд уулзварт “Хан-Уул цамхаг” гэх 13 давхар барилгыг барьсан. Энэ барилгыг Б.Лхагвадорж, П.Дэлгэрнаран нарын “Булгат мөрөн” ХХК нь эзэмшдэг, харин газар нь Б.Лхагвадоржийн “Ди Би Би” ХХК-ийн нэр дээр бүртгэлтэй байдаг. Сонирхуулахад, “Хан-уул” цамхгийг 2014 онд барьсан. Өөрөөр бол, Б.Лхагвасүрэнг Хөгжлийн банкны ТУЗ-ийн гишүүн болж, “Бэрэн групп” ХХК-ийн 27.1 сая ам.долларын зээлтэй нэр холбогдсоны дараа жил нь барьсан гэсэн үг юм.

3. “Булгат мөрөн” ХХК нь ХУД-ийн 3-р хороонд байрлах дөрвөн одтой, 49 өрөө бүхий ”Рояал моунтайн” зочид буудлыг эзэмшдэг. Тус зочид буудлыг “Сүмт өргөө” ХХК нь барьсан. Мөн “Булгат мөрөн” ХХК нь тансаг зэрэглэлийн Европ хоолны “Хан-Уул” ресторан, Ази хоолны “Хот пот” ресторануудыг ажиллуулдаг.

4. “Сүмт өргөө” ХХК нь нь ХУД-ийн 15-р хороо, Нарны гүүрний чанх урд уулзварт байрлах “Хоме плаза” төвийг барьсан. Өдгөө Б.Лхагвадоржийн “Элс партнерс” ХХК нь “Хоме плаза” төвийн 2, 4-р давхрыг эзэмшдэг бөгөөд “Оne event hall” нэртэйгээр тоглолт, хурим, найр, хүлээн авалтын үйл ажиллагаа явуулдаг. Мөн “Хоме плаза” төвд байрладаг “Минт” гэх шөнийн цэнгээний газрын Б.Лхагвадорж “Их түмэн трэйвэл” ХХК-иар дамжуулан эзэмшиж ирсэн ба өнгөрсөн онд Э.Хангал гэгчид шилжүүлсэн.

5. Б.Лхагвадоржийн “Ньюсил” ХХК нь СБД-ийн 1-р хороо, “Моннис цамхаг”-ийн хажууд байрлах зургаан давхар шилэн барилгыг эзэмшдэг. Тус барилгын нэг м2 талбайг 60-70 мянган төгрөгөөр түрээслүүлдэг.

ТӨВ БАНКНЫ ЕРӨНХИЙЛӨГЧ Б.ЛХАГВАСҮРЭНГИЙН ДҮҮ Б.ЛХАГВАДОРЖ, ХҮРГЭН АХ П.ДЭЛГЭРНАРАН НАРЫНХ НЬ БАРЬСАН ОРОН СУУЦНЫ ХОТХОНУУД

Б.Лхагвасүрэнгийн дүү Б.Лхагвадорж, хүргэн ах П.Дэлгэрнаран нарынх нь “Сүмт өргөө” ХХК нь “Москва хороолол II”, “Моксва апартмент” , Сэлбэ хотхоныг тус тус барьж, ипотекийн зээлээр худалдсан. Тодруулбал, тухайн орон сууцны хотхонуудаа “Ипотекийн зээлд шууд хамруулж өгнө” гэх зар тавьж, хурдан хугацаанд борлуулж байсан. Өөрөөр бол, ах нь Монголбанкаар ипотекийн зээлийг санхүүжүүлж, дүү нь ипотекийн зээлээр орон сууцны хотхонуудаа худалдаж ирсэн гэсэн үг.

1.”Сүмт өргөө” ХХК нь БЗД-ийн 25-р хороо, Сэлбэ голын эрэгт 16 давхар, таван блок бүхий “Сэлбэ” хотхоныг барьж, 2020 онд борлуулж дууссан.

2. 2021 онд СХД-ийн 29-р хороо, 1-р хорооллын баруун талд 15 давхар, таван блок бүхий 1000 айлын “Москва апартмент” хотхоныг барьж худалдсан. Гэхдээ ашиглалтад ороод удаагүй “Москва апартмент” хотхоны хана, цонх нь цуурч, цэвэр бохирын шугам нь задарч эхэлсэн гэж оршин суугчид нь гомдол гаргаж, байрныхаа өмнө жагсаал зохион байгуулж байсан.

3. Б.Лхагвадоржийн “Өргөө майнинг” ХХК нь СХД-ийн 29-р хороо, 153 дугаар сургуулийн чанх ард “Москва хороолол-II” гэх хоёр блок бүхий 1378 айлын орон сууцны барилга барьсан.

Түүнчлэн, “Сүмт өргөө” ХХК нь 2020 онд СХД-ийн 29-р хороо буюу “Москва” хорооллын дунд 1800 хүүхдийн сургууль, цэцэрлэгийн цогцолбор барилгыг барьж, улсад 15 тэрбум төгрөгөөр худалдсан. Сургууль, цэцэрлэгийн цогцолбор барилгыг 15 тэрбум төгрөгөөр үнэлсэн нь тухайн үедээ маш их хэл ам дагуулсан. Жишээ нь, тухайн үеийн Сангийн сайд Ч.Хүрэлбаатар эрс эсэргүүцэж, “Сүмт өргөө” ХХК-ийг барилгаа хэд нугалж үнэлсэн гэж шалгуулахаа мэдэгдэж байлаа. Гэвч удалгүй хэл ам намжсан бөгөөд “Сүмт өргөө” ХХК нь өнгөрөгч 2022 оны дөрөвдүгээр сард нийслэлтэй “Үлдэгдэл санхүүжилтийн гэрээ”-г байгуулж, нэмж 1.9 тэрбум төгрөг авсан байна. Одоо тус цогцолбор нь Нийслэлийн 153-р сургууль, 287-р цэцэрлэг нэртэйгээр үйл ажиллагаа явуулж буй.

ТАЙЛБАР: ЗҮҮН ГАР ТАЛААС ХОЁР ДАХЬ ХҮН Б.ЛХАГВАДОРЖ

Нэгтгэж харвал, Төв банкны Ерөнхийлөгч Б.Лхагвасүрэнгийн төрсөн дүү Б.Лхагвадорж, хүргэн ах П.Дэлгэрнаран нар нь хотын төв болон ХУД-т оффисын гурван барилга, үйлчилгээний нэг барилга, тансаг зэрэглэлийн нэг зочид буудал, хоёр ресторан эзэмшиж, орон сууцны гурван хотхон барьж худалдсан байна. Оффис, орон сууцны хотхонуудаа хаанаас, хэрхэн санхүүжүүлснийг хууль хяналтынхан шалгаж тогтоох нь зүйтэй биз ээ.

ТАНИЛЦ: ТӨВ БАНКНЫ ЕРӨНХИЙЛӨГЧ Б.ЛХАГВАСҮРЭНГИЙН ТӨРСӨН ДҮҮ, ХҮРГЭНИЙХ НЬ ЭЗЭМШДЭГ ОФФИСЫН БАРИЛГУУД БА ОРОН СУУЦНЫ ХОТХОНУУД

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 13

Сэтгэгдэл үлдээсэн: 2023-09-20 04:17:17

Зочин: Аль ч намын үед төр засаг нь ялзралд автсан байхийн, энэ аалзны торон хэлхээг хөрөнгийг хурааж, цаазламаар
Сэтгэгдэл үлдээсэн: 2023-02-26 10:06:25

zochin: iotekiin 8 huviig 6 bolgohiig eserguutseed l bsan
Сэтгэгдэл үлдээсэн: 2023-02-05 12:51:22

zochin: zevuun umaa
Сэтгэгдэл үлдээсэн: 2023-02-05 12:51:11

zochin: zevuun umaa
Сэтгэгдэл үлдээсэн: 2023-01-31 08:07:09

Зочин: Лхвавгасүрэнг Монгол банкны ерөнхийлөгчөөс Дэлгэрнаранг СХорооны даргаас нэн даруй огцоруулаач УИХ даргаа гэр бүлийн сүлбэлдсэн луйвар газар авлаа
Сэтгэгдэл үлдээсэн: 2023-01-30 15:10:02

ЗАНДАНШАТАР ажлаа хийгээч: ТӨВ банкны дарга нар үндсэн ажлаа хийхгүй байхад УИХ ын дарга яагаад тэднийг зайлуулахгүй байгаа юм вэ? АРГА хэмжээ авна гэсэн юм яриад л сууж байх юм
Сэтгэгдэл үлдээсэн: 2023-01-28 11:15:01

irgen: yaanaa, arai ch dee, yum uzeegui humuus yum daa, iim shunaltai humuus gej bdg aa
Сэтгэгдэл үлдээсэн: 2023-01-28 10:59:30

иргэн: аймшигтай их шунал юмаа бузрын луйварчид үхэж далд ороосой
Сэтгэгдэл үлдээсэн: 2023-01-26 22:47:59

зочин: Лхагвасүрэн гэгч чинь ийм нохой байсан юм уу, дүү нь барилгыг нь барьдаг, өөрөө мөнгийг нв улсаас гаргачдаг, хүргэн ахынхаа нэр дээр бариулдаг хуваадаг, хүү нь Сангийн яаманд ажилладаг гээд гэр бүлээрээ эзэлчихсэн этгээдүүд байна. Бүгдийг шалгаж, огцруулах. Жагсагчид анхааралдаа аваарай . Барилгуудыг нь хураах улсын орлого болгох. Новш юмаа, бид яаж нохойн амьдралаар амьдарч, эд яаж мөнгөөр бааж явнаа
Сэтгэгдэл үлдээсэн: 2023-01-25 14:45:05

irgen : Mongol ulsiin huuli jurmiin murdun ajilladag tsuuhun kompaniudiin negd zui yosoor ordog. Buteen baiguulaltand hamtran oroltsdog olon kompani, tedgeeriin ajillagsad meddeg. Bohir ulsturiin trolluud, hulsnii bicheechidiin hudal gutgelgiig jiriin irged yalgaj salgaj meddeg bolson . Hulgaichid ulsiin mungiig hulgaigaar avch bayajdag gedeg oilgoltoos gadna buteen baiguulj, hudulmurludug kompani bdgiig olon hun gerchleh bhaa.
Сэтгэгдэл үлдээсэн: 2023-01-25 12:17:39

Tumee: Hi.
Сэтгэгдэл үлдээсэн: 2023-01-25 09:56:06

Зочин: Ёстой л ханаж цадахгүй балладаг юм байна ш дээ. Лхагвасүрэнг дүүжилж цаазлахад ч багадах юм байна.
Сэтгэгдэл үлдээсэн: 2023-01-25 09:17:47

Мгл: Монголын төр дийлэх үү. ЧАДАХГҮЙ Л ДЭЭ. НОВШНУУД