• Өнөөдөр 2022-11-27

АТГ-аас Татварын ерөнхий газрын дарга Б.Заяабалыг шалгаж эхэллээ

2022-11-23,   801

         Татварын ерөнхий газрын дарга Б.Заяабалыг хэд хэдэн ноцтой үндэслэлээр хууль хяналтын байгууллагаас шалгаж байгаа талаар албаны эх сурвалж мэдээллээ. Тодруулбал, Б.Заяабалыг эрх мэдэл, албан тушаалын байдлаа урвуулан ашиглаж, төсвийн мөнгө шамшигдуулсан, Татварын ерөнхий газрыг хувийн аж ахуй нэгж шигээ ашиглаж, дураараа дургиж, дунд чөмгөөрөө наргиж байна хэмээн иргэд гомдол гаргаж, хууль хяналтын байгууллагад хүргүүлжээ. Иргэдийн гомдлын мөрөөр АТГ-ын мөрдөгчид шалгалтын ажиллагаа явуулж, Б.Заяабалыг шалгаж байгаа гэнэ.

ТЕГ-ЫН Б.ЗАЯАБАЛ КОВИДЫН ХУУЛЬ ЗӨРЧИЖ, БАРИЛГА БАРЬЖ, ӨНДӨР ҮНЭЭР МАШИН АВЧЭЭ

         ТЕГ-ын дарга Б.Заяабалыг шалгаж байгаа нэгдүгээр үндэслэл нь түүнийг эрх мэдэл, албан тушаалын байдлаа урвуулан ашиглаж, Ковидын хууль болон Засгийн газраас гаргасан хууль, тогтоомжийг ноцтойгоор хэд хэдэн удаа зөрчсөн байж болзошгүй гэж үзэж байгаа аж. Учир нь, ковидын халдвар тархаж, 2020 онд улс даяар хэмнэлтийн горимд шилжсэн байх үед Б.Заяабал Төрийн захиргааны удирдлагын газрын дарга Л.Нэргүйтэй хамтран төсвийн хөрөнгийг баруун солгоогүй цацсан гэнэ.

          ТЕГ-ын дарга Б.Заяабал 2020 онд 17 тэрбум төгрөгөөр зургаан оффисын барилга бариулжээ. Угтаа бол тухайн үед хөрөнгө оруулалтыг царцааж, хэмнэлтийн горимд шилжиж, төрийн байгууллагыг шинээр барилга, байгууламж барихыг хориглочихсон байлаа. Үүгээр ч зогсохгүй тэрбээр ТЕГ-т 850 сая төгрөгөөр шинээр автомашин авч, тансаглажээ. Мөн барилгын урсгал зардал гэхэд л 1.6 тэрбум төгрөгийг зарцуулсан гэнэ. Мөн тэрбээр хууль тогтоомж зөрчиж, төсөвт тусгаагүй хөрөнгөөр буюу 293 сая төгрөгөөр ТЕГ-ын ажилтнуудад дүрэмт хувцас оёулсан гэнэ. Уг ажлаа өөрийн хамаарал бүхий этгээдийн компаниар гүйцэтгүүлсэн байж болзошгүй аж.

Б.Заяабалын хууль зөрчиж, төсвийн мөнгийг зарцуулах уг хэргийг хэнд түүнд олгосон гэдгийг хууль хяналтын байгууллагынхан мөн шалгах биз ээ.

ТЕГ-ын дарга Б.Заяабал төсвийн хөрөнгөөр сугалаа явуулж, шагналд нь хурдан удмын даага, үнэтэй хөөрөг бэлэглэжээ

         Хоёрдугаарт, Б.Заяабалыг төсвийн хөрөнгийг үр ашиггүй зарцуулсан, зугаалж цэнгэсэн гэх үндэслэлээр шалгаж байгаа гэнэ. Тодруулбал, Татварын албаны бүх албан хаагчийг цуглуулж, хоёр өдөр төсвийн мөнгөөр өндөр зэрэглэлийн амралтын газарт сургалт явуулах нэрийдлээр тансаглажээ. Эх сурвалжийн мэдээлснээр Татварын албаныхан 2022 оны гуравдугаар сард “Тайж ресорт” гэх амралтын газарт цуглаж, сургалт нэрийн дор архидан согтуурсан. Хамгийн ноцтой нь, энэ үеэрээ Татварын албаны зарим даргыг өндөр үнэтэй бэлэн мөнгөөр шагнаж, урамшуулжээ. Мөн сугалаа явуулж, хэд хэдэн хүнийг азтай албан хаагч болгосон гэнэ. Азтантай сугалаанд Баянгол дүүргийн хэлтсийн дарга А хурдан удмын даага хожсон гэнэ. Мөн нэгэн албан хаагч хөөрөг хожсон талаар Татварын албан хаагчид жиг жуг гэцгээж байгаа бололтой. Татвар төлөгчдийн мөнгийг зугаалж цэнгэх, азтан шалгаруулах сугалаа болгосон Б.Заяабалд иргэд гомдож, уг үндэслэлээр өргөдөл гаргаж, хуулийнхан шалгаж байна.

ТЕГ-ЫН ДАРГА Б.ЗАЯАБАЛ НАР УЛСЫН БАЙЦААГЧИЙН ҮЙЛДСЭН АКТЫГ ХҮЧИНГҮЙ БОЛГОЖ, АЖ АХУЙН НЭГЖЭЭС ХАХУУЛЬ АВДАГ УУ

           Мөн түүнийг хахууль авдаг байж болзошгүй хэмээн шалгаж байгаа аж. Тодруулбал, ТЕГ-ын Маргаан таслах зөвлөл болон улсын байцаагчид татварын өрөө нуун далдалдсан, хууль бусаар үйл ажиллагаа явуулж, Монгол Улсын Татварын хууль, тогтоомжийг ноцтой зөрчсөн аж ахуйн нэгжүүдэд арга хэмжээ авч, акт үйлддэг. Гэтэл улсын байцаагчдын ногдуулсан шийтгэл, үйлдсэн хэд хэдэн актыг үндэслэлгүйгээр хүчингүй болгосон байж болзошгүй аж. Акт хүчингүй болгосон шийдвэрийнхээ хариуд аж ахуйн нэгжүүдээс хахууль авсан эсэхийг хууль хяналтын байгууллагынхан шалгаж байна.

Мөн тэрбээр Маргаан таслах зөвлөлийн дарга, улсын байцаагчтай үгсэн тохиролцож, зориудаар өндөр үнэтэй акт үйлдүүлж, аж ахуйн нэгжүүдийг дарамталж, хахууль авдаг байж болзошгүй нөхцөл байдал илэрч, шалгаж байгаа гэнэ.

ТЕГ-ЫН УДИРДАХ АЛБАН ТУШААЛТАН БОЛОН 32 АЖИЛТНЫГ 5-15 САЯ ТӨГРӨГӨӨР БУЮУ 387 САЯ ТӨГРӨГӨӨР УРАМШУУЛЖЭЭ

      Б.Заяабалтай холбоотой өөр нэгэн ноцтой мэдээлэл нь татвар төлөгчдийн мөнгөөр өөрийн хамаарал бүхий дарга, ажилтнуудаа урамшуулсан гэх. Уг мэдээлэл нь цахим сүлжээнд цацагдаад байгаа билээ. Тодруулбал, ТЕГ-ын 32 ажилтныг 5-15 сая төгрөгөөр шагнажээ. Ингэхдээ хууль бус, нууцаар тушаал гаргаж, дараах 32 хүнийг шагнаж, урамшуулсан гэнэ.

Б.ЗАЯАБАЛ ГЭЖ ХЭН БЭ

      ТЕГ-ын дарга Б.Заяабалыг УИХ-ын гишүүн Ч.Хүрэлбаатарын хүн гэдэг гэнэ. Тэрбээр Ч.Хүрэлбаатар гишүүний сонгуулийн ажлын менежерээр олон жил ажиллаж, албан тушаал авсан байж болзошгүй гэх. Мөн тэрбээр Ч.Хүрэлбаатарыг Сангийн сайд болох үед ТЕГ-ын дарга болж тушаал дэвшжээ. Б.Заяабал нь МУИС-ийн Эдийн засгийн сургууль, МУИС-ийн Хууль зүйн сургууль, АНУ-ын Жорж Майсоны их сургуулийг төгссөн.

Ажлын туршлага

1999-2000 онд УИХ-ын гишүүний туслах,

2002-2005 онд Өрхийн Амьжиргааг дэжих хөтөлбөрийн төслийн ажилтан,

2008-2009 онд Түлш эрчим хүчний яамны хэлтсийн дарга,

2009-2010 онд Эрдэс баялаг, эрчим хүчний яамны газрын дарга,

2010-2012 онд Төрийн өмчийн хорооны газрын дарга, Төрийн өмчийн хорооны дарга

2012-2015 онд Санхүүгийн зөвлөх, УИХ-ын гишүүний зөвлөх

2015-2019 онд Татварын ерөнхий газрын дэд дарга

2020 оноос Татварын ерөнхий газрын даргаар ажиллаж байна.

ХОМ: ТЕГ-ЫН ДАРГА Б.ЗАЯАБАЛ БУСДААС 600 САЯ ТӨГРӨГИЙН АВЛАГАТАЙ, 395 САЯ ТӨГРӨГИЙН ОРОН СУУЦТАЙ

       Тэгвэл Б.Заяабалын хөрөнгө орлогын мэдээллийг хүргэе. Тэрбээр таван жилийн өмнө буюу 2017 онд ТЕГ-ын дэд дарга байхдаа 10 сая төгрөгийн орлоготой гэж мэдүүлж байжээ. Харин ТЕГ-ын дарга болоод буюу 2021 онд жилийн нийт орлого нь 10 дахин нэмэгдэж, 116 сая төгрөг болжээ. Мөн тэрбээр 2017 онд 520 сая төгрөгөөр үнэлэгдэх гурван орон сууцтай байсан бол 2021 онд 395 сая төгрөгийн үнэтэй нэг орон сууцтай болжээ. Тэрбээр дэд дарга байхдаа 160 сая төгрөгөөр үнэлэгдэх Land Rover, Land Rover V1 автомашинтай байсан бол 2021 онд автомашингүй гэж мэдүүлсэн байна. Дөрвөн сая төгрөгийн үнэд хүрэх 40 хоньтой. Харин гадаадын банканд 3.5 сая төгрөгийн хадгаламжтай бол 600 сая төгрөгийн авлага, 23 саяын зээлтэй гэнэ. Мөн тэрбээр "Ай Си Трэйд" компанид 1000, Эрдэнэс Таван Толгой компанид 1072 ширхэг хувьцаа эзэмшдэг гэжээ.

 


АТГ-аас Татварын ерөнхий газрын дарга Б.Заяабалыг шалгаж эхэллээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 9
  • Сэтгэгдэл үлдээсэн: 2022-11-25 16:26:17
    ard tumen: dagatsan pizdanuud ve
  • Сэтгэгдэл үлдээсэн: 2022-11-25 16:24:50
    zochin: ugaasaa l hulgaich baagiinuud. ter Nergui iin dvv n JDY iin bas neg hulgaichih hural iim ner gutaasan L. Enhbold bizdee. ochij amidrach ee novshnuudaa
  • Сэтгэгдэл үлдээсэн: 2022-11-25 08:16:33
    зочин: Нүүрснийхэн шалгаад эхлэнгүүт дуу дуугаа аваад бичээд эхэлж дээ
  • Сэтгэгдэл үлдээсэн: 2022-11-24 10:54:39
    зочин: увсын заяабал дэндүү иджээ ах нь давхар даатгалд бас дарга идэгч цөмийн нь шалга шоронд нь явуул
  • Сэтгэгдэл үлдээсэн: 2022-11-24 09:17:04
    зочин : босоо ороолон байна. НҮҮРСНИЙ ХЭРЭГ НЬ ХАМГИЙН ТОМ ХЭРЭГ БАЙХ ЁСТОЙ. ЭНЭ БОЛ МАН-ы боловСон хүчин. ТЭДНИЙ ТООГ ХЯЗГААРГҮЙ N.ардын хянан шалгах хороог бас ийм луйварчин удирдана биздээ.Ёроолгүй далай.
  • Сэтгэгдэл үлдээсэн: 2022-11-23 20:21:04
    Санхүүч: Заяабал мэтийн хүмүүс монгол орны хөгжин мандах хөрөнгийг самарч улс орны өрөнд оруулах эх үүсвэр бий болгож байдаг даа ийм хүмүүсийг төрд ажилуулахаас хзайлс хийх хэрэгтэй
  • Сэтгэгдэл үлдээсэн: 2022-11-23 20:13:25
    Ахмадууд: Ийм хүмүүс л улс орны хөгжлийн хурдсыг сааруулж ард түмний татварын хөрөнгөөр гараа угаадаг юм даа Ардын нам хянан шалгах хороог сэргээн ажлуулах бусад яамдуудын орон тоог цомтгож санхүүжилтын эх үүсвэр бий болго
  • Сэтгэгдэл үлдээсэн: 2022-11-23 20:13:25
    Ахмадууд: Ийм хүмүүс л улс орны хөгжлийн хурдсыг сааруулж ард түмний татварын хөрөнгөөр гараа угаадаг юм даа Ардын нам хянан шалгах хороог сэргээн ажлуулах бусад яамдуудын орон тоог цомтгож санхүүжилтын эх үүсвэр бий болго
  • Сэтгэгдэл үлдээсэн: 2022-11-23 10:47:53
    Зочин: Бууд
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188