Хөвсгөл аймгийн Эрдэнэбулган сумын Эгийн голын гүү” гэдэг газарт малчин С, П нар арваннэгдүгээр сарын 02-ны өдрийн 15:00 цагт малаа хариулахаар мотоциклтой гараад сураггүй алга болсон тухай дуудлага арваннэгдүгээр сарын 03-ны өдрийн 22:00 цагт тус аймгийн Онцгой байдлын газарт иржээ. Улмаар Тариалан сум дахь Гал түймэр унтраах, аврах 46 дугаар анги, сумын Цагдаагийн тасгийн алба хаагчид, сумын Засаг даргын Тамгын газрын ажилтнууд, ар гэрийнхэн Эрдэнэбулган сумын харьяат С /15 настай, эрэгтэй/, Тариалан сумын харьяат П /15 настай, эрэгтэй/ нарыг эрэн хайх ажиллагааг арваннэгдүгээр сарын 03-ны өдрийн 23:10 цагаас эхлэн зохион байгуулж байсан юм.

Тэгвэл сураггүй алга болсон хоёр хүүгийн сураг гарчээ. Эх сурвалжийн мэдээлснээр 15 настай хоёр хүү гэрийнхнээсээ нуугдаж, айлын эзгүй өвөлжөөнд байжээ.Яг одоо Тариалан сумын нийгмийн ажилтан болон холбогдох хүмүүс хоёр хүүг авахаар явж байгаа гэнэ.