“ОРГИЛ”-ЫН Ж.ГАНБААТАРЫН ХҮРГЭН ТӨРИЙН ЦАГДААГИЙН ДЭРГЭД ХҮН ЗОДОХ ДАРХАН ЭРХТЭЙ ЮҮ

Ц. АМУНДРА:
Эрэн сурвалжлах

2022-08-19, 2523

УИХ-ын гишүүн Ж.Ганбаатар 20 тэрбумаар авсан 2.5 га газар дээрээ 25 давхар хос цамхаг барих гэж хэт улайрахдаа хажуудах барилгаа нураах шахаад сандаргаж байна аа. Хана, цонх нь цуурсан “UB Central” хотхоны 200 айлын хүүхэд, хөгшид нийлсэн 500 гаруй хүн Ж.Ганбаатарын хос барилгыг эсэргүүцэж, шөнө өдөргүй тэмцээд ч тусыг олохгүй байгаа харагдана. “Лайвчин” Д.Мөнх-Эрдэнэ хүртэл тэмцэх гэж гарч очоод, Ж.Ганбаатарын хүргэнийг танихгүй “Хятад уу, Монгол уу” гэж асуугаад, хэд “нудруулаад” амжина лээ. Тэр байтугай, түмний нүдэн дээр хар хувцастай хамгаалагчид нь хувцсыг нь урагдтал чирээд, хашаанаасаа хөөж гаргаж харагдсан.

“АВТОБУС-3” БААЗЫН 2.5 ГА ГАЗРЫН ДООД ҮНИЙГ 26.4 ТЭРБУМ ТӨГРӨГӨӨР ТОГТООСОН Ч Ж.ГАНБААТАР 20 ТЭРБУМ ТӨГРӨГӨӨР ХУВЬЧИЛЖ АВСАН

УИХ-ын гишүүн Ж.Ганбаатарын хэл аманд өртөөд буй 25 давхар орон сууцнууд нь СБД-ийн 3-р хороо буюу хуучнаар “Автобус-3” баазын хашаа. Ж.Ганбаатар энэ газрын эзэн болсон түүх нь их ээдрээтэй. Тодруулбал, НИТХ-ын 2015 оны 24/05 дугаар тогтоол, Нийслэлийн өмч хувьчлах комиссын 2015 оны 28 дугаар тоот тогтоолоор “Автобус-3” баазын 2.5 га газрыг 80 автобусны гараж, конторын барилга, үйлдвэрийн байр, сэлбэгийн склад зэрэг найман барилга, байгууламжтай нь хамт дуудлага худалдаагаар хувьчлахаар болсон. Тус тогтоолуудад “Автобус-3” баазын барилга байгууламж болон 2.5 газрыг худалдах доод үнийг 26.4 тэрбум төгрөгөөр тогтоож тусгасан байдаг. Ингээд 2015 оноос хойш 2019 оны арваннэгдүгээр сарын 8-н хүртэл 30 удаа дуудлага худалдаа зохион байгуулсан ч иргэн, аж ахуйн нэгжүүд оролцоогүй байгаа юм.

Гэтэл 2020 оны зургадугаар сарын 3-нд буюу сонгуулийн өмнөхөн дахин дуудлага худалдаа зохион байгуулахдаа доод үнийг нь 10 тэрбум төгрөгөөр бууруулж, 15.8 тэрбумаар тогтоожээ. Өөрөөр хэлбэл, зарах үнээ 10 тэрбум төгрөгөөр хямдруулсан гэсэн үг. Гэтэл УИХ-ын Ж.Ганбаатар урьдчилж мэдээд хүлээж байсан юм шиг тус дуудлага худалдаанд “Камдер” ХХК-иараа оролцсон байгаа юм. Түүний “Камдер” ХХК-тай хамт Д.Чинбаатар, В.Бат-Эрдэнэ гэх хоёр иргэн оролцсон. Ингээд Ж.Ганбаатар “Камдер” ХХК нь 20 тэрбум төгрөг гэх үнэ хэлснээр тус 2.5 га газрыг 20 тэрбум төгрөгөөр хувьчилж авсан байдаг.

Уг нь бол НИТХ-ын анхны тогтоол ёсоор “Автобус-3” баазын 2.5 га газрыг 26.4 тэрбум төгрөгөөс дээш хамгийн өндөр үнэ хэлсэн иргэн, аж ахуйн нэгж худалдаж авах ёстой байв. Гэтэл Ж.Ганбаатарын оролцсон дуудлага худалдаанд 15.8 тэрбум төгрөгөөс дээш үнэ хэлсэн нь худалдаж авах боломжтойгоор буюу ханшаа 10 тэрбум төгрөгөөр хямдруулсан нь одоо ч эргэлзээ дагуулдаг. Өөрөөр бол, хотын А зэрэглэлд байршилтай 2.5 га газрын үнэ жил ирэх бүр өсөх ёстой байтал эсрэгээрээ 10 тэрбум төгрөгөөр хямдруулаад худалдчихсан. Нийслэлийн өмчийн харилцааны газрынхан энэ газрыг зарах гэж өмнө нь 30 удаа дуудлага худалдаа зохион байгуулахдаа яагаад үнээ огт бууруулаагүй юм бэ, тэгсэн мөртөө яагаад гэнэт 10 тэрбум төгрөгөөр огцом бууруулж, тэр дуудлага худалдаанд нь Ж.Ганбаатарт жирийн хоёр иргэнтэй өрсөлдөж таарсан юм бэ гэж Ж.Ганбаатараас асуумаар.

Сонирхуулахад, тухайн дуудлага худалдаа болох үед Нийслэлийн өмчийн харилцааны газрын даргаар Хөгжлийн банкны найдваргүй зээлдэгчдийн нэг, “Бармон” ХХК-ийн эзэн, НИТХ-ын төлөөлөгч асан Ш.Үнэнбат ажиллаж байлаа.

“ЛАЙВЧИН” Д.МӨНХ-ЭРДЭНИЙГ БАРИЛГЫН ХАШААСАА ЧИРЧ ГАРГАСАН ХҮН НЬ Ж.ГАНБААТАРЫН ХҮРГЭН Б.ТӨГСБАЯР

Хуучнаар “Автобус-3” баазын хашаа буюу 20 тэрбумаар худалдаж авсан 2.5 га газар дээрээ УИХ-ын гишүүн Ж.Ганбаатар “Камдер” ХХК-иараа 25 давхар өндөр 2, 2 хос буюу дөрвөн блок барилга босгож байгаа ажээ. Барилгын ажлыг “Камдер” ХХК болон “Зуншин” ХХК хамтран гүйцэтгэж буй. “Камдер” ХХК-ийг УИХ-ын гишүүн Ж.Ганбаатар, түүний эхнэр Б.Хишигжаргал, охин Г.Хүслэн нар эзэмшдэг. Харин гүйцэтгэх захирлаар нь УИХ-ын гишүүн Ж.Ганбаатарын төрсөн дүү Ж.Нарантуяагийн нөхөр Б.Төгсбаяр ажилладаг.

Эхэнд дурдсанчлан, гүйцэтгэх захирал буюу хүргэн Б.Төгсбаяр нь “Лайвчин” Д.Мөнх-Эрдэнийг “Камдер” ХХК-ийнхаа хашаанаас хувцсыг нь урагдтал чирч гаргаад, хар хувцастай хамгаалагчдаар хүрээлүүлэн зогсонгоо төрийн цагдаа нарыг тамхи салаавчилсан гараараа дохиж харагдсан. УИХ-ын гишүүн Ж.Ганбаатарыг гар нь түрүүлж явдаг, авир муутай л гэлцдэг. Гэлээ гээд хүргэн нь хүртэл төрийн цагдаагийн дэргэд хүн зодох хүртлээ адил авирлаж, төрийн түшээгийн хүргэн гэж томорч болно гэж үү.

ТАЙЛБАР: УИХ-ЫН ГИШҮҮН Ж.ГАНБААТАРЫН ТӨРСӨН ДҮҮ Ж.НАРАНТУЯА, ТҮҮНИЙ НӨХӨР Б.ТӨГСБАЯР

ХОТЫН “А” ЗЭРЭГЛЭЛИЙН, АШИГТАЙ ГАЗРУУДЫН ЭЗЭН НЬ Ж.ГАНБААТАРЫН ЭЭЖ Г.БУЯНТОГТОХ

УИХ-ын гишүүн Ж.Ганбаатар бохь зарж эхлүүлсэн бизнесээ барилгаар өргөжүүлж, үргэлжлүүлж яваа гэж “сайрхах” дуртай. Ингэхдээ хотын аль л ашигтай гэсэн байршил бүрд газар эзэмшиж, “Энканто”, “Оргил” нэртэй хотхон, хороолол, спорт цогцолборуудыг сүндэрлүүлж буйгаараа хамгийн их бахархдаг гэж нэгэн ярилцлагадаа дурдсан байдаг юм билээ. Үнэхээр ч өөрөөрөө “бахархах” нь аргагүй юм, “А” зэрэглэлийн бүс, аль ашигтай гэсэн байршил болгон УИХ-ын гишүүн Ж.Ганбаатарын эхнэр, ээж, дүүгийнх нь мэдэлд орчихсон юм байна. Ингэхдээ бүр 2059 он хүртэл эзэмших эрхтэй ажээ.

УИХ-ын гишүүн Ж.Ганбаатар, түүний эхнэр Б.Хишигжаргал, түүний охин Г.Хүслэн нарын хамтран эзэмшдэг “Камдер” ХХК Баянзүрх дүүргийн 26-р хороо буюу Үндэсний цэцэрлэгт хүрээлэнгийн хойно 2.1 га газар эзэмшдэг. 2059 оны арваннэгдүгээр сарын 8-н хүртэл эзэмших эрхтэй. Энэ газар дээр “Энканто таун-1” хотхон, Оргил супермаркет, “Энканто” спорт цогцолбор байрладаг.

"Камдер" ХХК нь:

- ХУД-ийн 19-р хороонд 1.7 га газар эзэмшдэг. 2036 он хүртэл эзэмших эрхтэй. Энэ газар дээр “Оргил-Шилтгээн” хотхон баригдсан.

- ХУД-ийн 7-р хороонд 7189м2 газар эзэмшдэг бөгөөд 2059 он хүртэл эзэмших эрхтэй. Энэ газар дээр “Энканто оранж таун” цогцолбор хотхон, Оргил супермаркет баригдсан.

- БЗД-ийн 12-р хороонд 4492м2 газар эзэмшдэг. 2059 он хүртэл эзэмших эрхтэй. Энэ газар дээр “Оргил” үйлчилгээний төв баригдсан.

УИХ-ын гишүүн Ж.Ганбаатар, түүний ээж Г.Буянтогтох нарын хамтран эзэмшдэг “Грийнхаус сити” ХХК нь БЗД-ийн 26-р хороо буюу Үндэсний цэцэрлэгт хүрээлэнгээс Нарны гүүр явах зам дагуу 1.8 га газар эзэмшдэг. 2059 он хүртэл эзэмших эрхтэй. Энэ газар дээр “Энканто таун-2” хотхон, “Энканто” их дэлгүүр байрладаг.

УИХ-ын гишүүн Ж.Ганбаатар, түүний ээж Г.Буянтогтох нарын эзэмшдэг “Сээкл” ХХК нь СХД-ийн 20-р хороонд 9527м2 газар эзэмшдэг. 2059 он хүртэл эзэмших эрхтэй. Энэ газар дээр “Оргил-22 апартмент” цогцолбор хотхон баригдсан.

- “Сээкл” ХХК нь БГД-ийн 13-р хороонд 1183м2 газар эзэмшдэг. 2059 он хүртэл эзэмших эрхтэй.

УИХ-ын гишүүн Ж.Ганбаатар, түүний эхнэр Б.Хишигжаргал нарын эзэмшдэг “Моннидер” ХХК нь БЗД-ийн 11-р хороонд 8882м2 газар эзэмшдэг. 2034 он хүртэл эзэмших эрхтэй.

УИХ-ын гишүүн Ж.Ганбаатар, түүний төрсөн дүү Ж.Нарантуяа нарын эзэмшдэг “Гурван гол бааз” ХХК нь ХУД-ийн 4-р хороонд 2.2 га газар эзэмшдэг. Энэ газар дээр амины хаусууд баригдсан.

ҮРГЭЛЖЛЭЛ БИЙ...

“ОРГИЛ”-ЫН Ж.ГАНБААТАРЫН ХҮРГЭН ТӨРИЙН ЦАГДААГИЙН ДЭРГЭД ХҮН ЗОДОХ ДАРХАН ЭРХТЭЙ ЮҮ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 8

Сэтгэгдэл үлдээсэн: 2024-03-18 11:58:59

Ганаа: Ганбаатар гэж шуналын туламын барьсан хотхонд өөрийнх нь үйл ажиллагаа явуулдаг газрууд дүүрээд зогсоолгүй, бохир заваан СӨХ гүй шахам. Оршин суугчдынхаа эрх ашгийг боддоггүй, өндөр өндөр барилга бариад цонх хаагдаад шорон шиг харанхуй нүхэнд амьдарч бна. Гадна доторхи цэвэрлэгээ гэж байхгүй. Зарах болохоороо өндөр үнэ хэлж зарчихаад өөрийнхөө орлогыг бодоод оршиг суугчдаа хохироогоод ёстой цадахгүй
Сэтгэгдэл үлдээсэн: 2024-03-14 20:15:54

Unshigch: Ymar idejuuj hanadaggui yum be ger bvleeree luiwarchin baina shdee
Сэтгэгдэл үлдээсэн: 2023-10-15 15:00:39

Ахмад настан: ХУЖААГИИН мөнгөн дээр амьдарч буй хулгайч луйварчин бна доо........
Сэтгэгдэл үлдээсэн: 2022-08-19 21:49:54

Зочин: Увсынхан хэтэрхий шуналтай, эх орноо дампууруулаад ч хамаагүй баяжиж дарга болох хүсэлтэй онцгүй хүмүүс юмаа, төрийн түшээ болсон бол эх орон, ард түмнээ 1рт тавьдаг боддог байх ёстой ч үгүй юмаа, Нямка, Чойжоо, алтан, оргил ганбаатар бүгд Увсын багын дутуу гуцуу өлөн нь арилаагүй гарууд эх орныг минь дампууруулж байнаа, хэдэн айлын сууц хагарч цуурах бол Ганбаатарт падгүй байхаа, өөрөө л баяжиж бвал дур нь ханана
Сэтгэгдэл үлдээсэн: 2022-08-19 16:20:48

Bs: Anh encanto 1 barij bhad ni uulzaj bsan. Oliggui hulgaich sh de Ganbaatar
Сэтгэгдэл үлдээсэн: 2022-08-19 11:11:12

Зочин : Зарагдахгүй удаж байгаа объектыг үнэ бууруулж зарах бол хэвийн үзэгдэл Хангай зочид буудал Буян Жагаа Хөвсгөл аймгийн хүүхдийн зуслан Гүндалай гээд нэлээд жагсаалт гарах баых
Сэтгэгдэл үлдээсэн: 2022-08-19 10:38:19

Зочин: Үнийн хөөрөгдлийн гол эзэн дамчин ганбаатрынханыг алаад өгөөч
Сэтгэгдэл үлдээсэн: 2022-08-19 10:33:52

Drogo: Dawarsan gar we

Шинэ мэдээ

Нийтлэлчид