Өвөрхангай аймгийн Хархорин суманд байрлах ШШГЕГ-ын харьяа 423 дугаар хорих ангиас хоёр хоригдол оргожээ. Хоригдлууд гадуур албадан хийж байхдаа оргосон гэх албан бус мэдээлэл бий. Бид үүнтэй холбоотойгоор Хархорин сумын Засаг дарга Г.Одгэрэлтэй холбогдож тодрууллаа.

                     Тэрбээр “Хархорин сумын хорих ангиас хоёр хоригдол оргосон нь үнэн. Гадуур ямар ажил хийж байсан эсэх нарийн мэдээллийн мэдэхгүй байна. Хоригдол С, М хоёр өчигдөр оргосон. Энэ хэрэгтэй холбоотойгоор амралтаа аваад байсан хорих ангийн дарга эргээд ажилдаа орсон. Одоогоор холбогдох байгууллагаас эрэн сурвалжлах ажиллагааг эхлүүлээд байна. Харин манайхаас иргэдэд сэрэмжлүүлэх мэдээ хүргэх тал дээр анхаарч ажиллаж байгаа. Шинэ мэдээлэл ирвэл хорих ангиас надтай холбогдох байх” гэв.

Харин ШШГЕГ-ын харьяа 423 дугаар хорих ангийн захирагч даргатай холбогдох гэсэн боловч мэдээлэл өгөхөөс татгалзсан юм.