Дорнод аймгийн Хэрлэн сумын нутагт байрлах Зэвсэгт хүчний 327 дугаар ангийн алба хаагч усан осолдож, амиа алдсан хэрэг өнгөрсөн баасан гарагт гарчээ. Энэ талаар ЗХЖШ-ын Хэвлэл мэдээллийн албаны дарга, хурандаа Б.Отгонбаяраас тодруулсан юм.

                                  Тэрбээр "Зэвсэгт хүчний 327 дугаар ангийн байлдаг наймдугаар сарын 5-ны өдөр буюу баасан гарагт усанд осолдож, амиа алдсан нь үнэн. Талийгаач Х өнгөрсөн 2021 оны аравдугаар сард цэрэгт татагдсан" гэв. Харин Зэвсэгт хүчний 327 дугаар ангийн холбогдох алба хаагч, мэргэжилтэнтэй холбогдсон ч, мэдээлэл өгөхөөс татгалзсан юм.

Ташрамд дурдахад, Зэвсэгт хүчний 327 дугаар ангид байлдагч амиа алдсан хэрэг 2019, 2021 онд гарч байв. Хэргийг эргэн сануулахад, 2019 онд хадлан бэлтгэж байсан цэрэг авто осолд орж, амиа алдсан. Мөн 2021 онд байлдагчийн биеийн байдалд гэнэт муудаж, эмнэлэгт хүргэгдсэн ч, амиа алдсан юм.