Ерөнхий боловсролын сургуулийн сурагчид нэгийгээ зодож, танхайрч байгаа бичлэг цахим сүлжээнд цацагдаад байгаа билээ. Тодруулбал, өчигдөр буюу зургадугаар сарын 20-нд фэйсбүүк хуудаст 3-4 эрэгтэй хүүхэд нийлж, нэг хүүхдийг зэрлэгээр зодож, танхайрсан юм.

Одоогийн байдлаар зодуулсан хүүгийн биеийн байдал ямар байгаа нь тодорхойгүй байна.

        Энэ хэргийн шалгалтын ажиллагааны талаар ЦЕГ-ын Хэвлэл мэдээллийн төвөөс тодруулахад “Цагдаагийн байгууллагаас сошиал сүлжээнд нийтлэгдсэн өсвөр насны хүүхдүүд нэгнийгээ зодож буй бичлэгт шалгалтын ажиллагааг хийж байна. Урьдчилсан байдлаар Баянгол дүүргийн нутаг дэвсгэрт сар гаруй хугацааны өмнө болсон асуудал гэсэн мэдээлэл байна. Холбогдсон, хохирсон хүүхдүүдийг олж тогтоох, мэдүүлэг авах ажиллагаа хийгдсэний дараа мэдээллийг өгнө” гэв.