Өмнөговь аймгийн Цогтцэций сумаас алга болсон есдүгээр ангийн сурагч охидыг Улаанбаатар хотоос эсэн мэнд олсон талаар бид өмнө нь мэдээлсэн.

Энэ талаар Цагдаагийн ерөнхий газрын Хэвлэл мэдээллийн төвийн ахлах мэргэжилтэн мэдээлэл өглөө. 

       Тэрбээр “Цагдаагийн байгууллагад дөрөвдүгээр сарын 28-ны өдрийн 11:10 цагт Өмнөговь аймгийн Цогтцэций суманд “15 настай хоёр охин алга болчихлоо” гэх дуудлага, мэдээлэл ирүүлсэн. Мэдээллийн дагуу тус сум дахь цагдаагийн хэлтсээс эрэн сурвалжлах ажиллагааг шуурхай зохион байгуулж, охидыг өнөөдөр 10:40 цагийн үед Улаанбаатар хотоос эсэн мэнд олсон. Оршин суух газраасаа сураггүй алга болсон 15 настай, эмэгтэй, У болон М нарыг Нийслэлийн Баянгол дүүргийн нутаг дэвсгэрээс олж тогтоосон байна. Одоогоор хүүхдүүдийн биеийн байдал хэвийн, эрх нь зөрчигдсөн эсэхийг тодруулахаар шалгалтын ажиллагааг үргэлжлүүлж байна” гэлээ.