УИХ-ЫН ДАРГА Г.ЗАНДАНШАТАР ЭХНЭР Г.ОТГОНГЭРЭЛ БОЛОН УИХ-ЫН ГИШҮҮДИЙН ЭХНЭРҮҮДИЙГ ЭНЭТХЭГЭЭР “ЗУГААЛУУЛЖЭЭ”

Ц. АМУНДРА:
Эрэн сурвалжлах

2022-04-12, 4233

Халдварт тахлын дараах хямрал, хойд хөршийн өдүүлсэн дайн, хятадын хаалттай хил зэргээс болж хөргөгч, ходоод, хэтэвч “хонхолзсон” хүндхэн хавар өнгөрч байна. Гэтэл “дайран дээр давс” гэгчээр УИХ-ын дарга Г.Занданшатар “Иргэд тансаг хэрэглээгээ хэмнэ” гэж лоозондсон нь хэмнэх ч зүйлгүй хоосорчихоод байгаа нийгмийн бухимдлыг төрүүлж, энэ бухимдал нь эцэстээ жагсаал болж даамжирсан.

Тэгвэл хоосон ард түмэндээ хэмнэхийг номлогч УИХ-ын дарга Г.Занданшатар өөрөө хэрхэн “хэмнэж” чаддагийг баримтаар дэлгэж байна.

Одоогоос таван сарын өмнө буюу өнгөрөгч 2021 оны арванхоёрдугаар сарын 1-5-ны өдрүүдэд УИХ-ын дарга Г.Занданшатар БНЭУ-д албан ёсны төрийн айлчлал хийсэн. Энэ айлчлалд УИХ-ын дарга Г.Занданшатартай хамт УИХ-ын гишүүн Д.Бат-Эрдэнэ, Г.Дамдинням, Б.Саранчимэг, Ч.Ундрам, С.Чинзориг, Ш.Адьшаа, Уул уурхай, хүнд үйлдвэрийн сайд Г.Ёндон, УИХ-ын дарга Г.Занданшатарын ахлах зөвлөх, УИХ-ын гишүүн асан Д.Лүндээжанцан нар хамт явсан. Мэдээж, тэднээс гадна УИХ-ын Тамгын газрынхан, орчуулагч, гэрэл зурагчин тэргүүтэй хүмүүс дагалдсан. Тэд айлчлалын хүрээнд Энэтхэг Улсын Ерөнхийлөгч Рам Натх Ковинд, дэд Ерөнхийлөгч Венкаяа Наиду нартай уулзсан бөгөөд буцаж ирэхдээ “Ганзага дүүрэн буцаж ирлээ” гэцгээж байв. Гэвч Энэтхэгээс буцаж ирэх үед нь "омикрон" халдварын ид дэгдэлт давхцаж, тэд тусгаарлагдах эсэх асуудлаар хэл ам гарч байсныг санаж буй биз ээ.

Тайлбар: Энэтхэг улсад албан ёсны айлчлал хийж буй УИХ-ын дарга Г.Занданшатар тэргүүтэй төрийн түшээд

Тэгвэл энэ айлчлалын бүрэлдэхүүнд олноос нууцаар “онцгой” хэдэн хүн багтсан байжээ. Тодруулбал, Энэтхэг Улсад хийсэн айлчлалын бүрэлдэхүүнд УИХ-ын дарга Г.Занданшатар тэргүүтэй төрийн түшээд болон холбогдох албаныхан л багтсан гэж олон нийт ойлгож хоцорсон. Зөвхөн тэдний гэрэл зураг л үлдсэн учраас тэр юм. Гэтэл дээрх төрийн түшээд Энэтхэг рүү эхнэрүүдээ дагуулаад явсан байжээ. Албан ёсны төрийн айлчлалынх нь зардал өөрсдийнх нь халааснаас гараагүй нь лавтай, бас Энэтхэгийн талаас "тийз"-ний мөнгө шилжүүлээгүй байж таарна. Тэгэхээр тэд татвар төлөгчдийн мөнгөөр төрийн айлчлалынхаа зардлыг хийж явахдаа эхнэрүүдээ дагуулаад явсан болж таарч байна.

Тухайлбал, УИХ-ын дарга Г.Занданшатар Энэтхэгийн төрийн тэргүүнүүдтэй уулзсаныхаа дараа айлчлалын бүрэлдэхүүнд багтсан 23 хүнээ дагуулан Энэтхэгийн Бихар дахь буддын шашны Махабоди сүмд очиж, хагас өдөр саатжээ. Түүнийг сүмд нь морилсонд талархсан Махабоди сүмийнхэн бичлэг хийж, архивлажээ. Тухайн бичлэгээс үзвэл, УИХ-ын дарга Г.Занданшатарын гэргий Г.Отгонгэрэл, УИХ-ын гишүүн Г.Дамдиннямын эхнэр Ц.Уянга, УИХ-ын дарга Г.Занданшатарын ахлах зөвлөх, УИХ-ын гишүүн асан Д.Лүндээжанцангийн эхнэр Д.Оюунцэцэг, УИХ-ын гишүүн Б.Бат-Эрдэнийн эхнэр багтсан болох нь баттай харагдаж байна. Мөн УИХ-ын дарга Г.Занданшатарын Хэвлэл мэдээлэл, олон нийттэй харилцах асуудал хариуцсан зөвлөх Б.Эрдэнэбаяр, УИХ-ын Тамгын газрын нэр бүхий албан тушаалтнуудын эхнэрүүд ч хамт явжээ. Төрийн айлчлалын далимаар УИХ-ын эрхэм гишүүдийн эхнэрүүд нь хамт явж, Энэтхэгийн буддын сүм хийдүүдээр орж, мөргөж залбираад иржээ гэсэн үг л дээ.

ТАЙЛБАР: УИХ-ЫН ДАРГА Г.ЗАНДАНШАТАР БА ТҮҮНИЙ ЭХНЭР Г.ОТГОНГЭРЭЛ

ТАЙЛБАР: УИХ-ЫН ГИШҮҮН Г.ДАМДИННЯМ БА ТҮҮНИЙ ЭХНЭР Ц.УЯНГА

ТАЙЛБАР: УИХ-ЫН ГИШҮҮН Д.БАТ-ЭРДЭНЭ БА ТҮҮНИЙ ЭХНЭР

ТАЙЛБАР: УИХ-ЫН ДАРГА Г.ЗАНДАНШАТАРЫН АХЛАХ ЗӨВЛӨХ, УИХ-ЫН ГИШҮҮН АСАН Д.ЛҮНДААЖАНЦАН БА ТҮҮНИЙ ЭХНЭР Д.ОЮУНЦЭЦЭГ

УИХ-ын дарга Г.Занданшатар УИХ-ын гишүүн Д.Бат-Эрдэнэ, Г.Дамдинням, Б.Саранчимэг, Ч.Ундрам, С.Чинзориг, Ш.Адьшаа, Уул уурхай, хүнд үйлдвэрийн сайд Г.Ёндон, УИХ-ын дарга Г.Занданшатарын ахлах зөвлөх, УИХ-ын гишүүн асан Д.Лүндээжанцан нарын Энэтхэг Улсад хийсэн албан ёсны айлчлал нь төгсгөлдөө гэр бүлийн найзуудын “аялал” болсон нь энэхүү бичлэгээр ийнхүү батлагдаж байна. Чухамдаа, хоёр жил халдварт тахалд хөл хоригдож, араас нь хоёр хөршийн хавчилга, үнийн хөөрөгдөлд халаасаа “сэгсрүүлж”, эцэст нь хэмнэх ч зүйлгүй хоосорчихоод байгаа ард түмнээ “Дахиад хэмнэ” хэмээн тохуурсан УИХ-ын дарга Г.Занданшатар өөрөө төрийн айлчлалаар "халхавчилж", татвар төлөгчдийн мөнгөөр "туйлж", эхнэрээ болон УИХ-ын гишүүдийн эхнэрүүдийг Энэтхэгээр "зугаалуулсан" нь энэ. Ядахдаа, эх оронд нь "омикрон" халдварт ид гаарч байхад төрийн түшээд маань эхнэрүүдээ дагуулаад, УИХ-ын даргатайгаа хамт амны хаалт ч үгүй сунаж мөргөж явсан байх юм. Энэ бол шашин шүтэх, эс шүтэх эрхийн тухай асуудал бус гагцхүү төрийн түшээд улсаа төлөөлөн гадаад оронд албан ёсны айлчлал хийхдээ татвар төлөгчдийн мөнгөөр хэрхэн аялж, зугаалдаг нэгээхэн жишээ юм. Иймд энэ мэт үргүй зардал гаргагч УИХ-ын дарга Г.Занданшатар та хэмнэлтийг өөрөөсөө, басхүү УИХ-ын гишүүдээсээ эхэлбэл яасан юм бэ.

Энэтхэгийн Бихар дахь Махабоди сүмийн байршуулсан бичлэгийг бүрэн эхээр нь хавсаргав.

УИХ-ЫН ДАРГА Г.ЗАНДАНШАТАР ЭХНЭР Г.ОТГОНГЭРЭЛ БОЛОН УИХ-ЫН ГИШҮҮДИЙН ЭХНЭРҮҮДИЙГ ЭНЭТХЭГЭЭР “ЗУГААЛУУЛЖЭЭ”

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 10

Сэтгэгдэл үлдээсэн: 2022-04-13 12:56:19

Зочин: Нохой ч тоож охохгүй гичийнүүд байна
Сэтгэгдэл үлдээсэн: 2022-04-12 14:50:40

иргэн: ЯАСАН ИХ НҮГЭЛ ХИЙГЭЭ ВЭ? ХАРАХ ЦАРАЙНЫХ НЬ .....
Сэтгэгдэл үлдээсэн: 2022-04-12 12:47:46

Зочин: Зайлуулаач энэ Занданшатар гэж өлөн новшийг. Бүүр нэг хулгайч царайтай новш шүү. Ард түмнийгээ болохоор ковид гэж хамаг юмыг нь хаачихаад, өөрсдөө улсын мөнгөөр зугаалаад явж байдаг муу новш чинь. Аяагүй бол ковидын гээд зарцуулсан гээд байгаа мөнгөнөөс авч зугаалаа биз.
Сэтгэгдэл үлдээсэн: 2022-04-12 12:44:25

Зочин: Бүгд зурагтаар шударга эх оронч дүр эсгэж гоё ярьдаг хүмүүс. Татварын мөнгөөр зугаалж үрэн таран хийчхээд ард олны хэмнэ гамна гэдэг новшнууд. Дараагийн сонгуулиар бүү сонго
Сэтгэгдэл үлдээсэн: 2022-04-12 12:09:12

Зочин: Дараагийн сонгуулиар бүгд Монголын төрөөс зайлцгаагаарай. Үйлийн үр гэж юм байдгийг бүү март
Сэтгэгдэл үлдээсэн: 2022-04-12 11:44:33

Зочин: Бүгдээрэээ тамд очиг
Сэтгэгдэл үлдээсэн: 2022-04-12 11:11:16

Irgen: Uursduu ger buleeree zugaalah geed l bidniig busee changal. Hemne geed baisan uym baina. Tur tumnii hurunguur l bish bol zugaalj l baihaas. Yamar turiin ajlaa hiih bish.
Сэтгэгдэл үлдээсэн: 2022-04-12 10:18:03

Чаагы: Эд өөрсдөө мөнгө гаргахүй хамт явсан компаний захирал төүг н дарга нарыг судла
Сэтгэгдэл үлдээсэн: 2022-04-12 09:41:24

Баби: Өнөө Батбаатар дарга нь сүмд очоогүй энэ тэр гээд ярьсан байна лээ. Энд ийм баримт байх юм. Аль нь үнэн бэ. Энэ бантангийнхаа учрыг олооч ээ
Сэтгэгдэл үлдээсэн: 2022-04-12 09:39:20

Сандаг: Энэ балай согтуу Монгол терийн дээр завилаад суучихсан их данагар байгаа. Одоо яахав Монголчуудын сонголт юм даа