Нөхөр нь эхнэрийнхээ амийг хөнөөгөөд, өөрийнхөө амийг егүүтгэсэн хэрэг гарчээ. Тодруулбал, өчигдөр буюу нэгдүгээр сарын 19-нд Баянгол дүүргийн .. дугаар хороонд байрлах нийтийн байранд амьдардаг хосууд нас барсан байдалтай олджээ. Урьдчилсан байдлаар нөхөр нь эхнэрийнхээ хүзүүн тус газарт нэг удаа хутгалж, амийг нь хөнөөсөн байж болзошгүй аж. Тэрээр эхнэрийнхээ амийг егүүтгэснийхээ дараа гэрээслэл бичиж, өөрийгөө боомилсон байж болзошгүй нөхцөл байдал тогтоогдоод байгаа гэнэ.

Энэ талаар ЦЕГ-ын Хэвлэл мэдээллийн төвийн ахлах мэргэжилтэн, хошууч Д.Оюун "Өчигдөр 08:00 цагт цагдаагийн байгууллагын 102 утсанд хүн нас барсан байна гэх дуудлага ирсэн. Урьдчилсан байдлаар хамтран амьдрагч эмэгтэйгээ хөнөөж, гэрээслэл бичээд өөрийгөө боомилсон байсан. Шалгалтын ажиллагаа явагдаж байна" гэлээ. 

Сэрэмжлүүлэг: Иргэн та гэр бүлийн хүчирхийлэлд өртвөл хууль хяналтын байгууллагад хандахыг анхааруулж байна. Он гарснаар гурван ч эмэгтэй хамтран амьдрагч, нөхрийнхөө гарт амиа алдлаа.