Өвөрхангай аймгийн Зүүнбаян-Улаан сумын ерөнхий боловсролын сургуулийн ахлах ангийн сурагч охин буудуулж амиа алдсан хэрэг гарсан билээ. Тодруулбал, аравдугаар сарын 22-нд дотуур байрнаасаа алга болсон сурагч охины цогцос арван хоногийн дараа уулнаас буудуулсан байдалтай олдсон юм. Тус хэргийг охиноос зургаан насаар ах Б гэгч нь үйлдэж, өөрийгөө егүүтгэсэн гэх.

            Тус хэргийг өдгөө Өвөрхангай аймгийн цагдаагийн газар шалгаж байна. Харин эх сурвалжийн мэдээлснээр “Охины шүүх шинжилгээний хариу гараагүй байгаа. Хэрэг гараад бараг сар болох гэж байна. Энэ хугацаанд шийдэгдсэн нэг ч зүйл алга. Байрны багш, ангийн багш, сургуулийн захирал гэх хариуцлага алдсан хүмүүс ажлаа хийцгээж байна” гэлээ.