Говь-Алтай аймгийн Алтай сумын Хилийн цэргийн 0214 дүгээр ангийн Баянтоорой заставын хугацаат цэргийн алба хаагчид өнгөрсөн дөрөвдүгээр сарын 8-ны 18:00 цагийн үед харуулын даргаа хөнөөгөөд зугтсан хэрэг гарсан.

          Байлдагч Х, М нарт холбогдох хэрэгт Говь-Алтай аймгийн прокурорын газраас Эрүүгийн хуулийн тусгай ангийн 10.1 дүгээр зүйлийн 2.4, 2.9, 2.11, 28.5 дугаар зүйлийн 1, 28.7 дугаар зүйлийн 2, 28.8 дугаар зүйлийн 1, 28.15 дугаар зүйлийн 1, 17.2 дугаар зүйлийн 3.2 дахь хэсэгт зааснаар яллах дүгнэлт үйлдэн тус аймаг дахь Эрүүгийн хэргийн анхан шатны шүүхэд шилжүүлэн шийдвэрлүүлсэн байдаг.

Шүүгдэгч М, Х нарт холбогдох хэргийн шүүх хуралдаан өнөөдөр Говь-Алтай аймаг дахь сум дундын Эрүүгийн хэргийн анхан шатны шүүхэд болж байгаа аж.

     Энэ талаар байлдагч Х-ийн ээжээс тодруулахад “Хүүгийн минь биеийн байдал хэвийн байгаа. Хүүд минь холбогдох хэргийг шүүх хурал өнөөдөр болж байна. Бид Ховд аймгаас ирээд, шүүхийн гадаа байна. Биднийг шүүх хуралд оролцуулахгүй, хаалттай болж байгаа. “Хүүд минь бага ял өгөөсэй” гэж залбираад, шүүхийн гадаа сууж байна” гэлээ.