Налайх дүүрэг дэх цагдаагийн хэлтсийн жижүүрийн утсанд иргэн Б-ээс аравдугаар сарын 21-ний 23:15 цагт “Манай нагац дүү гурван настай Н нь ээжийн хамт гадуур явж байгаад алга болсон байна” гэх дуудлага мэдээлэл ирүүлжээ.

Дуудлага мэдээллийн дагуу тус хэлтсийн нийт бие бүрэлдэхүүн дүүргийн нутаг дэвсгэрийн хэмжээнд самналт эрэн хайх ажиллагааг зохион байгуулсан байна.

Шалгалтын явцад урьдчилсан байдлаар сураггүй алга болсон охин Н нь эмээ У-гийн хамт явж байсан бөгөөд архи согтууруулах ундааны зүйл хэтрүүлж хэрэглэсний улмаас хаана салсан, хэзээ алга болсныг санахгүй байсан нөхцөл байдал тогтоогдсон аж.

Цагдаагийн алба хаагчид явсан цаг минут, эзэнгүй балгас, гуу жалга, гудамж зэрэг зам маршрут бүрийг нэг бүрчлэн шалгаж эрэн хайх ажиллагааг шуурхай явуулсны дүнд охиныг маргааш өглөө нь Налайх дүүргийн долдугаар хорооны нутаг дэвсгэр .. тоот хаягнаас эсэн мэнд олж тогтоон, хүүхэд хамгааллын байгууллага, хорооны хамтарсан багт мэдэгдэж, хариу үйлчилгээг үзүүлэн ажиллаж байна.