Зэвсэгт хүчний 326 дугаар ангийн байлдагч Ц.Б салаан даргын үүрэг гүйцэтгэгчдээ зодуулж харамсалтайгаар амиа алдсан билээ. Байлдагч  Ц.Б нь  Хан-Уул дүүргийн XII  хорооны нутаг дэвсгэр Биокомбинатад байрлах 326 дугаар цэргийн ангидаа бусдад зодуулснаас ухаан алдаж, Төрийн тусгай албан хаагчдын нэгдсэн эмнэлгийн Эрчимт эмчилгээний тасагт ухаангүй хүргэгдэж ирсэн ч харамсалтайгаар амиа алдсан юм. Хан-Уул дүүргийн цагдаагийн хоёрдугаар хэлтэст тус хэргийг шалгаж, шүүхэд шилжүүлжээ.

Байлдагчийн аминд хүрсэн Д.Гялбуужамцыг шүүх хурал уржигдар болох байсан ч өмгөөлөгч нь өвчтэй гэсэн шалтгаанаар хойшилжээ.