Сонгинохайрхан дүүргийн 32 дугаар хороо, Баруун түрүүний .. дугаар тоотод оршин суух хаягтай иргэн М нь наймдугаар сарын 24-нд гэрээсээ гарч, сураггүй алга болжээ.

        Энэ талаар түүний ээж О.Бадамхандаас тодруулахад “Миний охин М нь 26 настай. Охин маань аав, ээж, зургаан настай охинтойгоо хамт амьдардаг байсан. Наймдугаар сарын 24-ний 11:00 цагийн үед “Дэлгүүр орж, кофе аваар ирье” гэж хэлээд гэрээсээ гарч, сураггүй алга болчихлоо. Өнөөдрийг хүртэл нэг ч удаа холбоо барьсангүй. Охин маань бага зэрэг сэтгэцийн өөрчлөлттэй юм аа. Гэхдээ хүнтэй ярьж, ойлголцож чаддаг. Гэрийнхээ хаяг, гэр бүлийн хүмүүсийнхээ утасны дугаарыг мэддэг. Өмнө нь хэд хэдэн удаа гэрээсээ хэлэхгүй явж байсан юм. Найз залуутай болж, хэлэхгүйгээр тэр айлдаа очдог болсон. Бид араас нь явж байж охиноо гэрт нь авчирдаг юм. Энэ удаад сураггүй алга болохоор нь тэр айл руугаа явж гэж бодсон. Гэтэл тэр айлдаа очоогүй байна. Гэрээсээ гарахдаа утас, чихэвчээ аваад явсан байна лээ. Утас нь нэг ч удаа холбогдоогүй. Автобусны картаа хүртэл гэртээ үлдээсэн байна. Алга болохдоо гэрийнхэнтэйгээ хэрэлдэж, муудалцаагүй. Охиныг маань харсан хүн байвал бидэнд мэдэгдэж тус болохыг хүсье. Бидэнтэй холбогдох утас 80223853, 89503853” гэлээ.