Хан-Уул дүүргийн 21 дүгээр хороо Буянт-Ухаа II хороололд байрлах “Капитрон” банкны тооцооны төвд хутгатай этгээд нэвтэрчээ.

Тодруулбал, есдүгээр сарын 9-нд 16:00 цагийн орчимд банкны ажилтан Г.Т-г ганцаараа ажиллаж байх үед үл таних 40-50 орчим насны эрэгтэйд хутга тулгаж, дээрэмдэхийг завдсан хэрэг гарсан юм. Цагдаагийн алба хаагчид хэргийг үйлдсэн этгээдийг эрэн сурвалжилж, мөрдөн шалгах ажиллагаа явуулж, 15 хоногийн дараа саатуулсан байна.  Урьдчилсан байдлаар уг хэргийг үйлдсэн байж болзошгүй 46 настай, эрэгтэй Э гэгчийг тогтоож баривчилан, таслан сэргийлэх хойшлуулшгүй арга хэмжээ авч, Монгол Улсын Эрүүгийн хуулийн 17.2 зүйлийн 3 дахь хэсгийн 3.2-т зааснаар Хэрэг бүртгэлтийн хэрэг үүсгэж, Хан-уул дүүрэг дэх цагдаагийн газрын хоёрдугаар хэлтэст  шалгаж байна.