“Приус-20” маркийн автомашин шатжээ. Тодруулбал, “Баянгол дүүргийн нутаг дэвсгэр дөрөвдүгээр хороололд автомашин шатаж байна” гэх дуудлага Онцгой байдлын газарт өнөөдөр 15:00 цагийн үед иржээ. Дуудлагын дагуу тус дүүргийн Гал унтраах аврах ангийн алба хаагчид ажиллаж, галыг бүрэн унтраасан аж.

Шатсан автомашин нь зогсоолд зогсож байжээ. Зарим машин галд өртсөн байна. Азаар хүний амь эрсдээгүй байна. Бид шатсан автомашины жолоочтой холбогдож, юу болсон талаар тодрууллаа. Тэрбээр “Гал юунаас болж гарсныг одоогоор хэлэх боломжгүй байна. Галд миний бие болон хамт явж байсан хүн өртөөгүй. Миний биеийн байдал зүгээр байгаа. Яг одоо би Баянгол дүүргийн цагдаагийн газарт мэдүүлэг өгч байна” гэлээ.