С.БАЯР: Хүнээрээ үлдэцгээе, явах өдөр байхад ирэх өдөр ирнэ

2021-07-05, 1316

-Ерөнхий сайд асан С.Баярын эргэж ирэх өдөр нь өнөөдөр байжээ-

Ерөнхий сайд асан С.Баярыг суллах шүүх хурал өнөөдөр буюу долдугаар сарын 5-ны өдөр болж, түүнийг Булган аймгийн Булган суманд байрлах 439 дүгээр хаалттай хорих ангиас магадлангаар сулласан талаар бид мэдээлсэн билээ.

Түүнийг албан тушаалын байдлаа ашиглан Петровисын шатахууныг Оюутолгойд шахахад нөлөөлсөн, АНУ-д хууль бусаар дөрвөн үл хөдлөх хөрөнгө худалдан авсан, мөнгө угаасан гэх хэрэгт буруутгаж, Анхан шатны шүүхээс таван жилийн хорих ял оноосон.

Харин түүнд холбогдох Давж заалдах шатны шүүх хурал өнгөрсөн 2020 оны долдугаар сарын 23-нд болж, шүүхээс түүний ялыг 2.6 жил болгож бууруулсан юм. Тэрбээр шүүхээр таслагдаж, 347 хоног ял эдлээд магадлангаар суллагдлаа.

Ерөнхий сайд асан С.Баяр нь Давж заалдах шатны шүүх хурлын дараа буюу хорих анги руу явахаасаа өмнө твиттер хуудастаа “Монгол жиргээний түмэн сайн сууж байгаарай. Санаандгүй гомдоосон байх аваас уучилна уу. Явах өдөр байхад ирэх өдөр ирнэ. Салах өдөр байхад учрах өдөр ирнэ. Хүнээрээ л үлдэцгээе" гэж бичсэн юм. Тэгвэл түүний эргэж ирэх өдөр нь өнөөдөр байжээ.

С.БАЯР: Хүнээрээ үлдэцгээе, явах өдөр байхад ирэх өдөр ирнэ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 3

Сэтгэгдэл үлдээсэн: 2021-07-05 20:14:13

irgen: bayar guai garch ireed hereg, yalniihaa tuhai tsuvral medeelel bichih bze. Neeree lburuugui ni unen bol. Bayar guaig ezoortoi buriad gej bodoj, demjij yavdag.
Сэтгэгдэл үлдээсэн: 2021-07-05 18:56:51

Иргэн: Хуцна биз!! Их тавлаж байх шив дээ!! Нөгөө америк дахь олон хаусаа тайлбарлаж чадаагүй л биз дээ!! Чамайг буцаах ч өдөр ирж бас мэдэх юм шүү
Сэтгэгдэл үлдээсэн: 2021-07-05 18:37:09

Хүн хог: Эх орноо 10 канад байшингаар сольсон хүн хог юун хүн чанар яриад бнаа