Сэлэнгэ аймгийн Шаамар сумын Эрүүл мэндийн төвийн эмч 31 настай эрэгтэй Б коронавирусийн халдвар авсан нь батлагдан, тус эмнэлэгт хэвтэн эмчлүүлж байсан 14 настай охиныг хүчирхийлэхийг завдсан хэрэг гарсан талаар бид мэдээлсэн.

        Эх сурвалжийн мэдээлснээр уг хэргийн сэжигтэн тус Эрүүл мэндийн төвийн дарга Б.Бат-Эрдэнэ аж. Тэрбээр Шаамар сумын Эрүүл мэндийн төвийн даргаар өнгөрсөн хоёрдугаар сараас эхлэн ажилласан бөгөөд өмнө нь Сэлэнгэ аймгийн Жавхлант суманд эмчээр таван жил ажиллаж байжээ.

Энэ талаар Шаамар сумын Эрүүл мэндийн төвийн дарга Б.Бат-Эрдэнээс тодруулахад “Би 14 настай охины биед хүрээгүй. Одоогийн байдлаар мэдээлэл өгмөөргүй байна. Би бага насны хүүхдийг хүчирхийлэхийг завдаагүй. Энэ хэргийг цагдаагийн байгууллагаас шалгаж байна. Охины эцэг, эх энэ асуудлыг дэгсдүүлж, хэтрүүлж ярьсан зүйлийг хүмүүс буруугаар ойлгосон байна лээ. Үл ойлгоцол болсон гэсэн үг” гэв.