Нийслэлийн Онцгой байдлын аврагчид Туул гол дагуу завиар эргүүл хийж байна. Өнөөдөр буюу зургадугаар сарын 27-ны 14:00 цагийн үед Аврах ангийн ахмад Б.Баттулгын ахалсан үндсэн бүлгийн бүрэлдэхүүн хүний амь аварчээ. Тус бүлгийнхэн Сонгинохайрхан дүүргийн нутагт  Туул голоор  завьт эргүүлийн үүрэг гүйцэтгэж явахдаа 14 настай хүүхэд будаг шингэлэгч үнэртэн, мансуурсан байдалтай гол руу орох аюултай байсныг таслан зогсоожээ. Хүүхдийг Сонгинохайрхан дүүргийн Цагдаагийн газарт хүлээлгэн өгсөн байна.