Баянзүрх дүүргийн 12 хорооны Чулуун овооноос энэ сарын 22-ний 20:00 цагийн үед 15 настай, М гэх охин гэрээсээ гараад сураггүй болжээ. Энэ талаар түүний ааваас тодруулахад

       “Охин минь зургадугаар сарын 22-ны орой “Хүүхэдтэй уулзчихаад ирье” гэж хэлээд гэрээсээ гарсан. Охин минь ямар хүүхэдтэй уулзах гээд гарсныг нь мэдэхгүй байна. Найзаас нь асуухад "Чулуун овоо, Баруун салаанд амьдардаг хоёр хүүхэдтэй уулзсан байж магадгүй" гэсэн. Нэг охиныг нь дугаар анх залгахад холбогдож байсан. Одоо холбогдохгүй болчихсон байна лээ.  Бас тэднийг уулзаж байхыг манай хамаатны охин харсан гэсэн.  Түүнээс өөр харсан хүн байхгүй. Охин минь 151 см өндөртэй, шар сортой үстэй, цэнхэр жинсэн хүрэмтэй, хар даашинз, трикотой гарсан. Охиныг маань Баянзүрх дүүргийн гуравдугаар хэлтсээс шалгаж байгаа. Мөрдөн шалгалтын ажил эхэлсэн” гэлээ.

        Охиныг харсан хүн байвал: 89243337, 86243337, 88243337, 90520528 утас руу холбогдож, тус болоорой.