Увс аймгийн Ховд сумын Шивэр багийн иргэн Л энэ сарын 14-нд сумын төвд иржээ. Иргэн Л сумын төвд ирээд гурав дахь хоногтоо сураггүй алга болсон байна. Энэ талаар Шивэр багийн дарга н.Билэгсайнаас тодрууллаа.

      Тэрбээр “Манай багийн иргэн Л энэ сарын 14-нд сумын төвд ирээд энэ сарын 16-аас алга болсон. Хамгийн сүүлд хамаатных нь хүүхэд ахыгаа халамцуу голын зүг явган явж байхыг харсан гэсэн. Тус мэдээллийн дагуу тухайн иргэнийг Ховд голд осолдсон байж болзошгүй хэмээн үзэж голоор эрэн хайх ажиллагааг үргэлжлүүлж байна. Иргэн Л-ийг 17-21-ний өдөр орон нутгаас эрэн хайсан боловч үр дүнд хүрээгүй. Тиймээс Увс аймгийн Онцгой байдлын газрын Эрэн хайх, аврах салбар, тус сум дахь Цагдаагийн хэсгийн алба хаагчид, сумын ЗДТГ-ын ажилтнууд, ар гэрийнхэн иргэн Л-ийг найм хоног хайж байна. Өнөөдрийн байдлаар иргэнийг дөрвөн техник хэрэгсэлтэй 15-17 иргэн хайж байгаа” гэлээ.