Увс аймгийн Ховд сумын Ховд багийн төвд Л, 46 настай, эрэгтэй, согтууруулах ундаа хэрэглэсэн үедээ сураггүй болжээ. Тус дуудлагыг өчигдөр 14:50 цагт хүлээн авсан байна. Тус сумын Цагдаагийн тасагт энэ сарын 17-ний 14:15 цагт мэдэгдэж, 17-21 хүртэл  тус сумын Засаг даргын Тамгын газрын ажилтнууд Ховд голын хөвөөгөөр 30 км-т явган болон мотоциклтой, Ховд сумын төвөөс Бэлчир гэдэг газар хүртэл 20 км-т мотоциклоор эрэн хайх ажиллагааг зохион байгуулсан боловч үр дүнд хүрээгүй байна.

      Тус аймгийн Онцгой байдлын газрын Эрэн хайх, аврах салбарын алба хаагчид өчигдөр 22:15 цагт очиж, үзэгдэх орчин хязгаарлагдсан тул өглөөний 07:00 цагт эрэн хайх ажиллагааг эхлүүлсэн байна.