• Өнөөдөр 2025-04-29

Т.Чимгээгийн ээж Ц.МАРУУШ: Охинтойгоо уулзаж чадаагүй байна

2021-06-21,   1222

        Төр нийгмийн нэрт зүтгэлтэн С.Зориг агсны амийг хөнөөсөн хэрэгт буруутгагдаж, гурван шатны шүүхээс 20-25 жилийн хорих ял сонссон Б.Содномдаржаа, Т.Чимгээ нар батлан даалтад гараад нэг сар хагасын хугацаа өнгөрлөө. Тэднийг эрүүдэн шүүж, ял хүлээлгэсэн гэх хэрэгт ТЕГ-ын дарга асан Б.Хурц, прокурор Г.Эрдэнэбат нарын есөн хүнийг буруутайд тооцож, гурван шатны шүүхээс ял оноогоод байгаа. Шинэ нөхцөл байдал үүссэний улмаас хэргийг нэмэлт мөрдөн байцаалтад буцааж, тэднийг батлан даалтад гаргасан юм.

Зургаан жил хоригдсон Т.Чимгээгийн ээж Ц.Марууштай холбогдож, охиных нь талаар тодрууллаа. Тэрбээр “Миний бие сайн байгаа. Би охинтойгоо уулзаж чадаагүй л байна. Суманд халдвар илэрч, хөл хорио тогтоосон учир Улаанбаатар хот явж чадахгүй байна. Цаг сайхан болохоор охин минь өөрөө хүрээд ирэх байх. Ямар ч гэсэн хорихоос суллагдсан болохоор сэтгэл санаа тайван байна. Охины биеийн байдал сайн байгаа, эмчилгээ хийлгэж байгаа гэсэн. Хэргийн мөрдөн байцаалт эхэлсэн эсэхийг сайн мэдэхгүй байна. Хүүхдүүд надад нарийн юм хэлэхгүй юм” гэлээ.

 


Т.Чимгээгийн ээж Ц.МАРУУШ: Охинтойгоо уулзаж чадаагүй байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.