Хөвсгөл аймгийн Арбулаг сумын Боргол багийн Цадаагийн-Эх гэдэг газар өчигдөр 17:00 цагийн орчимд 10 настай хүүхэд сураггүй алга болж, тус сумын иргэд эрэн хайх ажиллагааг эхлүүлсэн талаар бид мэдээлсэн. Тэгвэл хониндоо яваад алга болсон 10 настай охиныг эсэн мэнд олжээ.

Энэ талаар Арбулаг сумын Засаг дарга Б.Гантулгаас тодруулахад “Манай сумын иргэд өчигдөр 17:00 цагаас эрлийн ажиллагааг эхлүүлж, шөнөжин хайлаа. Охиныг өнөөдөр 07:00 цагийн орчимд эсэн мэнд оллоо. Алга болсон охин хониндоо явж байгаад төөрч, хээр хоносон байна лээ. Охин алга болсон Ховоот гэдэг газраас 10 километрийн зайтай байрлах малчин айлд өөрөө гүйж ирсэн” гэв.