“Хотын бүсгүй хөдөө нутагт” нэвтрүүлгийн оролцогч Г.Ганхүрэл, Н.Нандинцэцэг нар үзэгчдийн хайр, хүндэтгэлийг хүртээд байгаа билээ. Нэвтрүүлгийн оролцогч Н.Нандинцэцэг “Шихихутуг” их сургуулийн дөрөвдүгээр дамжээний оюутан. Тэрбээр хонхны баяртаа нэвтрүүлгийн оролцогч Г.Ганхүрэлийг урьж, “Хонхны баяраар минь хонь биш, зүрхийг минь аваад ирээрэй” гэсэн нь үзэгчдийн сэтгэлд хүрээд байгаа юм. Энэ ч утгаараа уг нэвтрүүлгийг үзсэн монголчууд “Шихихутуг” их сургуулийн хонхны баярыг хүлээж байгаа.

            Тэгвэл “Шихихутуг” их сургуулийн хонхны баяр тавдугаар сарын 16-нд болох тов гарчээ. Өөрөөр хэлбэл, нэвтрүүлгийн оролцогч Г.Ганхүрэл 17 хоногийн дараа Баянхонгор аймгаас Улаанбаатар хотод ирж, Н.Нандинцэцэгийн хонхны баярт оролцох нь.