“WIRED” сэтгүүлийн редактор Стивен Левиний “Microsoft” компанийн гүйцэтгэх захирал Сатя Наделлатай хийсэн хиймэл оюун ухааны тухай сонирхолтой ярилцлагыг хөрвүүлэн хүргэе.

Сатя Наделла Энэтхэгийн Хайдарабадад төрсөн. Харин өсвөр насаа АНУ-д өнгөрүүлж, их сургуулиа амжилттай дүүргэж, “Microsoft” компани хүчирхэгжиж эхэлж байх үед тус компанид ажилд орж байсан гэдэг. Улмаар “Microsoft”-ийг хүчирхэгжих тусам Сатя Наделла ч өсөж дэвшиж, 2011 онд тухайн үед шинээр байгуулагдаж байсан “Azure” платформыг удирдаж, 2014 оноос “Microsoft”-ийн гүйцэтгэх захирал болсон. Харин бидний анхны уулзалт 2009 онд. Одоогоос 14 жилийн өмнө түүнтэй анхны уулзалтаа хийж, ярилцлагаа авч байхдаа үүнийг бичнэ сууна гэж бодоо ч үгүй биз ээ.

                               Сатя Наделлагийн санаачилсан “Microsoft”-ийн Bing хайлтын систем дэлхий даяар шуугиан дэгдээсэн. “Google”-ийн хүчийг сулруулж чадах хэмжээний том амжилтад хүрээгүй ч Bing-ийг байгуулснаараа “Microsoft” компани болоод Наделлагийн хөрөнгө үлэмж өсөж, хоёр их наяд ам.доллар болсон. Тэгвэл өдгөө 55 настай Сатя Наделла “Microsoft”-ийг хиймэл оюун ухаан руу чиглүүлж байгааг уншигч та ч мэдсэн болов уу. Дэлхийн түүхэнд Билл Гейтс, Стив Жобсоос ялгаатай түүхээр амьдарч, өөрийн зам, чадвараа хүндлэгдсэн гарч ирсэн “Microsoft”-ийн гүйцэтгэх захирал Сатя Наделлатай энэ зууны хамгийн шилдэг шинжлэх ухааны ололт болж мэдэх хиймэл оюун ухааны тухай ярилцлаа.

-ИРЭЭДҮЙД ХҮМҮҮС ТОМЬЁО БОДОХ, СИНТАКС, АЛГЕБР СУРАХ ШААРДЛАГАГҮЙ БОЛНО-

-Хиймэл оюун ингэтлээ хөгжиж, олон үе шатаар хувирах тухай төсөөлж байв уу?

                       -Бид GPT 2.5-аас 3.0 руу шилжих үед шинэ боломжуудыг харж эхэлсэн. Хиймэл оюуныг зөвхөн кодчилоход сургаагүй ч кодлоход үнэхээр сайн болсон юм. Тэгээд л би итгэсэн.

-Таныг “бүхнээ дэнчин тавиад” ороход хүргэтэл тэгж их итгүүлсэн хэрэг үү?

                       -2022 оны зун би одоо GPT-4 гэж нэрлэгдээд байгаа зүйлийг анх харсан. Үнэхээр сэтгэл хөдөлгөм байсан шүү. Хиймэл оюун хэдий олон шалгуур, үзүүлэлтийг давсан ч яруу найргийн гүн гүнзгий утгыг шингээх боломжгүй байдаг. Гэхдээ GPT-4 гэх зүйл яруу найргийн бүрэн эрхт байдлыг хадгалсан. Би чинь Энэтхэгт төрсөн шүү дээ. Урду хэл тэр дундаа перс, румины яруу найрагт дуртай хүн учраас надад маш гайхалтай санагдсан..

-“Microsoft” компани олон арван дамжин хиймэл оюун ухаан хөрөнгө оруулсан. Харин таны хувьд яагаад “OpenAI” судалгааны байгууллагыг сонгох болов?

                       -Бид “Azure” платформ дээр Туринг гэх загвар өмсөгчийн модель бүхий хиймэл оюун ухаан санал болгосон. Яг тэр үед “OpenAI” бидэнтэй ижил замаар явж байгааг ойлгосон. Тиймээс ч хоёр талд хэдэн өөр загвар бүтээх бус хоёр талын нэгдсэн нэг цул загвар хүссэн. Тэгээд л хамтарч ажилласан даа. Хиймэл оюуны загвар бүтээх ажлын дийлэнхийг “OpenAI” хариуцаж байгаа. Харин “Microsoft” хиймэл оюуны аюулгүй байдалд анхаарч ажиллаж байна.

-“OpenAI”-г худалдаж авах гэж үзсэн үү?

-Юу гээч, “Microsoft” олон аргаар түншүүдтэйгээ холбоо тогтоодог. Гэхдээ “OpenAI” бусдаас өөр сонирхолтой бүтэцтэй байсан. Ялангуяа ашгийн төлөө бус байгуулсан нь хачирхалтай санагдсан. Тэр ч утгаараа бидний хамтран ажиллах гэрээ тогтвортой байх итгэл төрсөн.

-Ирээдүйд хэрхэн харилцан ярихыг мэддэг ухаалаг утастай хэн бүхэн хиймэл оюун хөгжүүлэгч болох уу?

                     -Мэдээжийн хэрэг. Ирээдүйд хэрэглэгчид томьёо бодох, синтакс, алгебр сурах шаардлагагүй болно. Зарим судлаач эсрэгээрээ хүмүүс хялбарчилж, шинийг сурахаа болино гэж бодож байгаа ч тийм зүйл болохгүй. Тэр жинхэнэ хөгжил байх болно. Зарим хүн “Тэгээд хөгжил гэж юу юм бэ” гэж асуумаар байгаа байх. Жинхэнэ хөгжил бол ардчилал юм шүү дээ.

-Зарим зөгнөлт кинонд гардаг шиг зүйл болбол хэрхэн вэ. Хиймэл оюун ухаан хүн төрөлхтнийг устгах боломжтой эсэх, төлөвлөгөө байгаа тухай асуултад одоог хүртэл хариу өгөөгүй гэж сонссон. Энэ үнэн үү?

                    -Хэрэв ямар нэг зүйл хяналтаас гарахдаа тулбал бид зөвшөөрөх ёсгүй. Энэ бол бидний хүлээх үүрэг, хариуцлага. Эсрэгээрээ хүн төрөлхтөн хүчирхэг технологитой харьцаж чадах хэмжээний хүчтэй болсон. Бид цахилгаан сүлжээний аюулгүй байдлыг хангаж, стандартыг тогтоож, аюулгүй байдлаа хангасан. Цөмийн энергийн аюулгүй байдлаа ч хангаж байгаа шүү дээ.

-Хиймэл оюун ухаантай зэрэгцэн өдөр тутмын амьдралын олонх зүйлийг өөр хэмжигдэхүүн рүү шилжүүлэх метаверсийн тухай яригдаж байгаа. Та энэ тухай ямар бодолтой байгаа вэ?

                   -Би оршихуй(виртуал)-д итгэсэн хэвээр байгаа. 2016 онд бичсэн нэг нийтлэлдээ бодит байдал, квант, хиймэл оюун гэсэн гурван зүйлийн холимог учрын талаар бичиж байв. Энэ гурав одоог хүртэл сэтгэлийг минь хөдөлгөдөг. Миний бодлоор оршихуй(виртуал) бол хамгийн том алуурчин программ болох байх.

-Хиймэл оюун ухаан таны ажил, амьдралыг хэр их өөрчилсөн бэ?

                      -Хэрэв хиймэл оюун үгүй байсан бол цахим шуудан бичих гээд л хүн төрөлхтөнд олон асуудал гарч ирэх байсан шүү дээ. Би лав компьютер дээрх бичгийн программ, хиймэл оюунгүйгээр яаж амьдрахаа мэдэхгүй байна. Ер нь хүн төрөлхтний ирээдүйг хиймэл оюун ухаангүйгээр төсөөлөх аргагүй. Тиймээс ч дэлхий хиймэл оюунд “бооцоо” тавьж, хөрөнгө оруулж, хөгжүүлж байгаа.

-Таны ажиллаж байх хугацаанд “Microsoft” сайн үр дүнтэй байгаа гэж болно. Магад ирээдүйд та “Microsoft”-ийн хиймэл оюуны өөрчлөлтөөрөө дурсагдах болно” гэж бодож байв уу?

-Миний юугаараа дурсагдахыг бусад хүн хэлэх байх. Гэхдээ үнэхээр сэтгэл хөдөлж байна шүү. “Microsoft” одоо 48 настай. Бид 1980-2000 онд ямар зүйл хийснээрээ бус ирээдүйд юу хийхээрээ оршин тогтнох хэрэгтэй. Үгүй бол бид ямар агуу компани байх вэ дээ.