Хүн төрөлхтөн, ертөнцийн үүсэлтэй холбоотой шинжлэх ухааны ололтуудыг шинээр нээн илрүүлж байгаа нь дэлхий нийт үнэн түүхтэйгээ илүү ойртож байгаа талаар олон улсын эрдэмтэд онцолж байгаа. Гэсэн ч нөгөөтээгүүр хүмүүсийн “гажиг” гэж нэрлэдэг хачирхалтай, сонин туршилтууд ч шинжлэх ухааны түүхэнд олон болж байв. Эргэлт.мн мэдээллийн сайт уншигч таны амралтын өдөрт зориулан шинжлэх ухааны сонирхолтой туршилтуудын захаас танилцуулъя.

Үхэгсдийг амилуулах туршилт амжилттай болж байжээ

          Калифорнийн их сургуулийн “гавал” оюутан Роберт Корниш нас барсан хүний амилуулах туршилт хийж байсан аж. Туршилтын анхны оролдлого нь 1930-аад оны үхсэн амьтан амилуулах байж. Тэрээр үхсэн амьтны цусны эргэлтийг сайжруулахын тулд цусыг нь савлуурж савлаж, адреналин болон цусны бүлэгнэлийг зогсоох бодис ашиглажээ. Роберт Корнишын эхний туршилтууд үр дүнтэй болсон бөгөөд амьтад дахин амилсан байдаг. Гэсэн ч дахин амилсан амьтад сохор аль эсвэл өөр ямарваа нэгэн согогтой байсан бөгөөд удалгүй үхдэг байсан аж.

“Хар тамхичин” заан

          1962 онд АНУ-ын Оклахома хотын Линкольн амьтны хүрээлэнгийн заанд хар тамхи тарьсан туршилт хийж байжээ. Эрдэмтэн Уоррен Томас амьтны хүрээлэнгийн Томас нэртэй заанд 297 миллиграмм хар тамхи тарьсан байна. Туршилтаар хар тамхи нь зааны зэрлэг байдлыг дарж чадах эсэхийг шалгах байсан бөгөөд зааны бие хүнээс биеээс 3000 дахин их хар тамхийг тэсвэрлэх чадамжтай байсан аж. Гэсэн ч хар тамхи тариулсан Труко заан гурван цагийн дотор үхсэн байдаг.

Нохойг хоёр толгойтой болгох туршилт хийжээ

          Америкийн физиологчи Чарльз Гутри, Францын эмч, Нобелийн шагналт Алекс Каррел нар хамтран нохойг хоёр толгойтой болгох туршилт хийжээ. Физиологийн шинжлэх ухааны салбарт үр дүнтэй олон ажил гүйцэтгэсэн Чарльз Гутри Нобелийн нэрэмжит шагнал хүртэхэд ойрхон байсан ч, уг туршилтынхаа дараа Нобелийн шагнал хүртэх боломжоо үүрд алдсан гэнэ.

          Чарльз Гутри, Алекс Каррел нар нэгэн нохойд өөр нохойн толгой залгаж оёсон байна. Туршилтын улмаас хоёр дахь толгой оёулсан нохой үхсэн бөгөөд Нобелийн шагнал олгох академиас Чарльз Гутригийн эрхийг хассан байдаг.

Сүнсний жинг тодорхойлсон нь

          Америкийн эрдэмтэн Данкан МакДюгал 2000-аад оны эхэн үед сүнс буюу хий үзэгдэл нь жинтэй байдаг тухай онол гаргасан байдаг. Түүний уг онолоо баталсан зүйл нь хүний “сүнс зайлсан” тохиолдолд жин нь багасгалдаг явдал байв. Данкан МакДюгалл анх зургаан хүн дээр туршилт хийсэн бөгөөд нас барахын өмнө болон дараа үеийн туршилтынхаа дүнд сүнс 21 грамм жинтэй байдаг гэсэн дүгнэлт гаргажээ. Гэсэн ч түүний гаргасан энэ үр дүн шинжлэх ухаанд төдийлөн амжилт олоогүй юм.

Зүрх цоолох туршилт хийв

          1929 онд Германы мэс засалч Вернер Теодор Отто Форсман өөртөө зүрх цоолох туршилт хийсэн бөгөөд түүний туршилтын үр дүн дэлхий даяар алдартай болжээ. Тэрээр өөртөө хэсэгчилсэн мэдээ алдуулах тархиа хийж, гарынхаа судсаар дамжуулан зүрх рүүгээ зүү хийсэн байна. Гэвч энэ туршилтынх нь дараа түүний ажлаас нь чөлөөлж, бүх насаар нь мэс засал хийх, эмчээр ажиллах эрхийг нь хасжээ. Харин эрдэмтэн Вернер Теодор Отто Форсманд зүрхний катетерын тухайд шинэ нээлт хийсэн хэмээн үзэж 1956 онд Нобелийн шагнал олгосон байна.