Засгийн газрын өнөөдрийн хуралдаанаар гаргасан шийдвэрүүдийг танилцууллаа. Энэ үеэр ЗГХЭГ-ын дарга Д.Амарбаясгалан мэдээлэл хийлээ.

Тэрбээр "Цахим хөгжил, харилцаа холбооны яамыг салбар бүрэлдэхүүнтэйгээ нүүлгэх  шийдвэр гаргасан. Монгол Улс Буянт-Ухаа цогцолборыг нисэх буудлын  зориулалтаар  ашиглах боломжгүй болсон. Шаардлагатай тохиолдолд нөөц нисэх онгоцны буудлын шугамаар ашиглана.  Тус онгоцны буудлыг нөөцөөр ашиглахын тулд жилдээ 10 тэрбум төгрөгийн урсгал зардлыг  төрөөс гаргах шаардлага болсон. Нөгөө талаасаа 21 мянган м.кв талбайгаас нисэх буудлаар 10 орчим мянган м.кв нь ашиглах боломжтой. Тийм учраас энэ байгууламжийг үр бүтээлтэй ашиглахаар шинэ яамыг нүүлгэн шилжүүлэхээр болсон  Цахим хөгжил, харилцаа холбооны яамыг нүүлгэн шилжүүлж ажиллахаар болсон. Мөн нийгмийн дэд бүтцийг байгуулахаар ажиллана.

      Төр хувийн хэвшилтэй өрсөлдөж  бизнес эрхлэх ёсгүй. Төрийн зүгээс эрхлэх шаардлагагүй хэд хэдэн бизнес бий. Сургууль, цэцэрлэгийн хүнс, хангамжийн үйлчилгээ, тохижилт үйлчилгээний зарим чиг үүрэг, гэрэлтүүлэг чимэглэл. Өнөөдөр нийт  таван заалт бүхий тогтоолыг төслийг баталсан.
Гурван шинэ сайд ажлаа хүлээн авч, хоёр сайд нь томилогдсон. Сайд нарын ажлын албыг байгуулсан Засгийн газрын шийдвэрийг танилцуулъя. Боомтын сэргэлтийн үндэсний хорооны дарга орон тооны бусаар ажиллах арван хүний бүрэлдэхүүнтэй бөгөөд орон тооны таван хүний бүрэлдэхүүнтэйгээр ажиллах бол нийслэл Улаанбаатар хотын авто замын түгжрэлийг бууруулах үндэсний хорооны дарга 32 хүний бүрэлдэхүүнтэй ажиллаж, нарийн бичгийн даргаар хотын дарга Д.Сумъяабазар ажиллана. Харин Олимп, нийтийн биеийн тамир, спортын үндэсний хорооны дарга 14 хүний бүрэлдэхүүнтэй ажиллана гэсэн яамгүй сайд ажилдаа орсон.

     МХЕГ нь өнөөдрийн хувьд 26 хяналт, нэг шалгалт, нэг лабораторийн үйл ажиллагааг хариуцан ажилладаг. Эдгээр чиг үүргүүдийг тараан байршуулах буюу бодлогын яамдад хуваарилах боломжтой гэж харж байна. Нийт 9-11 яаманд МХЕГ-ын чиг үүргийг хуваарилах боломжтой гэсэн судалгаа гарсан. Эрүүл мэнд, хүнс, эм зэрэг хүний амь нас, эрүүл мэндтэй шууд холбоотой асуудлыг мэргэжлийн хяналтын өндөр түвшинд авч явах хэрэгтэй. Салбар бүрт байцаагч ажиллана.
Статус үйл ажиллагааны хувьд хөндлөнгийн хяналт хэрэгжүүлэх чиг үүрэгтэй агентлаг болно. ЗГХЭГ-ын даргын эрхлэх асуудлын хүрээнд харьяалагдана. Төрийн байгууллага, албан тушаалтан хууль тогтоомж, Засгийн газрын бодлого шийдвэрийг хэрхэн хэрэгжүүлж байгаад хяналт тавина. Засгийн газрын харьяа байгууллагын үйл ажиллагаатай холбоотой иргэдийн гомдол мэдээллийг хүлээн авах, хянан шийдвэрлэх зэргийг үйл ажиллагааны тэргүүлэх чиглэл болгож байгаа.

        Харин гэмт хэрэг, зөрчлийн хэргийг хянан шийдвэрлэх, нийгмийн хэв журмыг сахиулах, шүүхийн шийдвэр гүйцэтгэх ажиллагаа, зэвсэгт хүчин, тагнуул, үндэсний аюулгүй байдлын хамгаалал, төрийн гадаад бодлогыг хэрэгжүүлэхтэй холбоотой ажиллагаанд хамаарахгүй. Гадаад харилцаа, тагнуул, цагдаа, шүүхийн шийдвэр, батлан хамгаалах зэрэг төрийн үүрэг гүйцэтгэх ажиллагаанд дээр дурдсанаас бусад асуудалд хамаарч ажиллана"гэв.