• Өнөөдөр 2021-03-03

Д.СУМЪЯАБАЗАР: Хөл хорионд тэвчээртэй байж, шинжилгээнд идэвхтэй хамрагдсан нийслэлчүүддээ баярлалаа

Нийслэлийн Засаг дарга бөгөөд Улаанбаатар хотын захирагч,  Нийслэлийн онцгой комиссын дарга Д.Сумъяабазар хөл хорионы 12 хоногийн хугацаанд НОК-оос хийж хэрэгжүүлсэн ажлуудын үр дүн болон цаашид хэрэгжүүлэх арга хэмжээний талаар мэдээлэл өглөө. 
 
Хотын дарга Д.Сумъяабазар “Энэ хугацаанд Улаанбаатар хотын хэмжээнд “Нэг хаалга-нэг шинжилгээ” арга хэмжээг амжилттай зохион байгууллаа. Юуны түрүүнд тэвчээртэйгээр 12 хоногийн хугацаанд хөл хорионд орж, шинжилгээндээ идэвхтэй хамрагдсан Нийслэлчүүддээ баярлалаа. Мөн Дүүргийн онцгой комиссынхондоо баярлалаа. Өдөр шөнөгүй, нойр хоолоо умартан ажилласан бүх төрийн албан хаагчдадаа баярлалаа.  Зөвхөн нийслэлийн төр захиргааны байгууллагын 15 мянга орчим алба хаагч гурван ээлжээр бэлэн байдалд ажилласан.  Үндсэндээ хангалт зохион байгуулалт хэрэгжилтийг зохицуулах чиг үүрэгтэйгээр бид ажилласан. 
 
“Нэг хаалга-нэг шинжилгээ” үйл ажиллагааны хүрээнд 2021 оны 02-р сарын 08-10-нд нийт 808 байгууллагын 62,646 төрийн албан хаагч, ажилтныг шинжилгээнд хамруулсан. 2021 оны 02.11 нээс 02.13-ны өдрийн хооронд “Нэг хаалга-нэг шинжилгээ” арга хэмжээг есөн дүүрэгт зэрэг эхлүүлж нийт 109,068 хүнийг  хамруулаад байна. Үүний 67,003 нь явуулын багаар, 42,065 нь шинжилгээний суурин цэгээр хийгдсэн байна. 
 
Тодруулбал, нийт хугацаанд “Нэг хаалга-Нэг шинжилгээ”-нд 442 мянга 303 өрхийг шинжилгээнд хамруулсан. Үүний 287 мянга гаруй нь явуулын багаар, 155 мянга нь суурин шинжилгээний цэгээр хийгдлээ.  
 
Шинжилгээг авах үйл явцад нийслэлийн хэмжээнд давхардсан тоогоор 7279 эмч, эмнэлгийн ажилтан, 5849 бусад албан хаагч, нийт 13128 албан хаагч ажилласан. “Нэг хаалга-Нэг шинжилгээ” үйл ажиллагаа, төрийн албан хаагчдыг халдвар илрүүлэх шинжилгээ ажиллагааны хүрээнд нийт 504 мянган иргэнийг халдвар илрүүлэх шинжилгээнд хамруулаад байна”  гэлээ.  
 
Харин энэхүү  шинжилгээг зохион байгуулсны дүнд ард иргэдийн дунд байсан 126 тохиолдлыг илрүүлж, өнөөдрийн байдлаар 549 хүн тусгаарлалтад байна.  Мөн коронавирусийн халдварын 33 голомтыг  илрүүлжээ. 
 

ӨНӨӨДРӨӨС ДҮҮРЭГ БҮРД 2-3  ШИНЖИЛГЭЭНИЙ ЦЭГ АЖИЛЛАНА

 
Түүнчлэн  өнөөдрөөс  эхлэн дүүрэг бүрд  2-3 цэг байгуулж,  коронавирусийн шинжилгээ авна. Үүнд: 
 
Шинжилгээний төвүүдийн  байршил:  
 
Баянгол:
 
-20-р сургууль
 
-13-р сургууль
 
Баянзүрх: 
 
-69-р сургууль /Шавь цогцолбор/ 
 
-48-р сургууль 
 
-84-р сургууль 
 
Сонгинохайрхан: 
 
-62-р сургууль
 
-36-р сургууль
 
-67-р сургууль
 
Сүхбаатар:
 
-3-р сургууль
 
-58-р сургууль
 
Хан-Уул: 
 
-18-р сургууль
 
-34-р сургууль
 
Чингэлтэй: 
 
-39-р сургууль
 
-50-р сургууль
 
Багануур:
 
-Халдвартын тасаг
 
-Нийгмийн эрүүл мэндийн төв
 
Налайх:
 
-Амбулаторийн хуучин байр
 
Багахангай:
 
-Эрүүл мэндийн төв зэрэг  цэгүүдэд  зайлшгүй шаардлагатай (буяны ажил, эрүүл мэндийн шалтгааны улмаас хөдөө орон нутагт явах, эмнэлэгт хэвтэн эмчлүүлэх гэх мэт) тохиолдолд холбогдох баримт бичиг, зөвшөөрлийг үндэслэн шинжилгээ өгөх  боломжтой юм.  Тэгэхдээ иргэд eruul.gerege.mn сайтаас урьдчилан цаг авч, оршин суугаа дүүргийн нутаг дэвсгэрийн ойролцоо цэгүүдэд үйлчлүүлнэ.  
 
Харин “Нэг хаалга-Нэг шинжилгээ” дүүргүүдэд хийгдсэн  байдлаар нь хэлбэл:  
 
Сонгинохайрхан: 86540
 
Баянгол: 67645
 
Чингэлтэй 42023
 
Сүхбаатар: 41103
 
Хан-Уул: 69093
 
Баянзүрх 117836
 
Налайх: 10013
 
Багануур: 6831
 
Багахангай 1219 өрхийг хамруулжээ. 
 
Харин өнөөдрөөс нийслэлд  хатуу хөл  хорио цуцлагдаж, аж ахуйн нэгжүүдийн 95 хувь нь  хэвийн  ажиллаж эхэлсэн.  Тиймээс халдвар хамгааллын дэглэмээ сайтар баримтлан,  аж ахуйн нэгжүүд дагаж мөрдөх нийтлэг  журам, түр журмыг мөрдөж ажиллахыг Нийслэлийн Засаг дарга хэллээ. Мөн цаашид Улаанбаатар хотын хэмжээнд хатуу хөл хорио  тогтоохгүй гэсэн  байр суурьтай байгаагаа Хотын дарга хэллээ.  
 
Эх сурвалж: НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС
 
 
 

Д.СУМЪЯАБАЗАР: Хөл хорионд тэвчээртэй байж, шинжилгээнд идэвхтэй хамрагдсан нийслэлчүүддээ баярлалаа
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414