Хөвсгөл аймгийн хил орчмын нутаг, хилийн зурваст иргэд зөвшөөрөлгүй нэвтэрч, ашигт малтмал хайх, олборлох зорилгоор хууль бусаар хайгуул хийж байж болзошгүй талаар мэдээлэл иржээ. Тагнуулын байгууллагаас өгсөн мэдээллийн дагуу хилийн цэргийн 0257, 0303 дугаар анги, Хилийн тагнуулын тасаг, Улаан тайгын тусгай хамгаалалттай газраас есөн нэгж техниктэй, 36 алба хаагч тухайн газар оронд 13 хоногийн хугацаатай үүрэг гүйцэтгэсэн байна. Улмаар хил орчмын дэглэм зөрчсөн Монгол Улс, БНХАУ-ын есөн иргэнийг саатуулж, Тагнуулын байгууллагад шилжүүлэн өгч, шалгалтын ажиллагаа үргэлжлэн явагдаж байна.