• Өнөөдөр 2024-03-28

Б.БАЯСГАЛАН: “Helen” брэнд эмэгтэйчүүдийн хөдөлмөр эрхлэлтийг дэмждэг

2022-07-31,   554

          Үйл ажиллагаагаа явуулаад дөрвөн жил болж байгаа “Helen” брэндийн үүсгэн байгуулагч Б.Баясгалантай ярилцлаа. Байгалийн түүхий эд ашиглан хатуу шампунь болон ангижруулагч бүтээсэн нь олон хүний анхаарлыг татаад байгаа юм. Мөн тус компанид хүүхэдтэй болон оюутан гээд олон цагаар ажиллах боломжгүй эмэгтэйчүүд ажилладгаараа илүү онцлогтой.

-Танд энэ өдрийн мэнд хүргэе. Манай уншигчдад гарааны бизнесээ танилцуулаач?

     -Сайн байна уу. Намайг Бүрэнчөдөрийн Баясгалан гэдэг. МУИС-ийг байгаль нэгдлийн хими болон бизнес удирдлагаар төгсөж, гоо сайхны технологичоор мэргэшсэн. “Хээлэн” брэндийг үүсгэн байгуулагч, эмэгтэйчүүдийг ажлын байртай болгохоор зорьж яваа гарааны бизнес эрхлэгч байна.

-“Хээлэн” брэнд хэзээнээс үйл ажиллагаагаа явуулж эхэлсэн бэ?

        -Манай брэнд 2018 оны долдугаар сард бүтээгдэхүүнээ туршиж эхлээд,  2019 оны нэгдүгээр улирлаас идэвхтэй үйл ажиллагаагаа явуулж эхэлсэн. Монголын эрс тэс уур амьсгалтай дасан зохицож бий болсон байгалийн гаралтай түүхий эд ашиглан гоо сайхны арьс арчилгааны бүтээгдэхүүн үйлдвэрлэн байгаль болон амьтан, хүнд ээлтэй хэрэглээгээр тогтвортой хөгжлийг хангахад хувь нэмэр оруулах зорилготой байгуулагдсан.

-Яагаад гоо сайхны салбарыг сонгож, үйлдвэрлэл эрхлэх болсон бэ?

       -Амьдралынхаа хэв маягаас үүдэлтэй анх эхэлж байсан. Байгаль болон хүний эрүүл мэндэд хоргүй органик бүтээгдэхүүн үйлдвэрлэн эдийн засаг, нийгэмд хувь нэмрээ оруулах тэр дундаа гоо сайхны бүтээгдэхүүний бизнес эмэгтэй хүнд хамгийн таатай ажил юм билээ.

-Үйлдвэрлэлээ хэрхэн явуулдаг вэ. Хэчнээн ажилтантай вэ?

      -Манай компанийн хүний нөөцийн бодлого их сонирхолтой. Бид үйлдвэр оффисын үндсэн ажилтнаас гадна гадуур гэрээт болон цагийн ажилтантай. Учир нь, бид эмэгтэйчүүдийн хөдөлмөр эрхлэлтийг дэмжих зорилготой, хүүхдээ харангаа хөдөлмөр эрхлэн орлоготой болоход нь туслах хүсэлтэй байдаг. Үүнээс оффистоо байдаг дөрвөн ажилтантай.

-Танай нэрийн бүтээгдэхүүний хамгийн чухал зүйл нь юу вэ?

      -Бидний хувьд хамгийн чухал зүйл бол мэдээж стандарт. Энэ бол үйл ажиллагаагаа тогтвортой явуулах гол зүйл. Түүхий эд байхаас нь эхлээд хэрэглэгчийн гарт очиж сэтгэл ханамж  мэдрүүлэхийг хичээдэг. Мөн цаашлаад  манай байнгын хэрэглэгч, үйлчлүүлэгч байлгахад нь хүртэл анхаардаг. Итгэлцэл хүлээлгэсэн байнгын үйлчлүүлэгч гэдэг бизнесийн урт хугацааны амжилтын утга учир, нууц шүү дээ. Анх эхэлж байсан үеэ бодоход бидний үйлдвэрлэлийг дэмждэг, байнгын хэрэглэгчидтэй болж экспорт хийж эхэлснээр одоо бол өдөр тутам маш олон сайхан сэтгэгдэл, урмын үгс ирдэг болсон. Тийм учраас манай баг илүү хичээж, урагшлах шалтгаантай болж байх шиг байна.  

-Бизнес эрхлэх амаргүй даваа шүү дээ. Шантарч болихоор шийдсэн үе байгаа юу?

       -Өнөөдрийг хүртэл олон бэрхшээл, саадтай учирсан. Эхлэл бүр хэцүү, одоо ч эхлэлийн цэг дээрээ байгаа гэж хэлж болно. Манайх үйлдвэрлэлээ явуулаад дөрвөн жил болж байгаа учир бизнес тогтворжсон гэж хэлэхэд хэцүү. Ялангуяа Монгол Улс шиг эдийн засагтай улсад үйлдвэрлэл эрхлэх нь чанга шалгуур юм шиг санагддаг. Гэхдээ бид  бууж өгөөгүй ээ. Би  хийе л гэсэн бол гүйцэд хийдэг зантай хүн л дээ.

-Шантарсан үедээ үргэлжлүүлэх хүслийг хаанаас авдаг вэ?

        -Би тийм амархан сэтгэлээр унадаг хүн биш юм билээ. Хийж бүтээж байгааг маань хараад олон хүнээс сайхан сэтгэгдэл хүлээн авдаг. Тэр бүрд улам хичээх хүсэл төрдөг дөө.

-Монгол Улсад гарааны бизнес эрхлэх ямар байдаг вэ?

     -Нэг талаас харвал хэцүү, хэцүү гэдэг нь гарааны түвшин харилцан адилгүй ялгаатай байхад хууль эрхзүйн бодлого нь оновчтой биш. Ялангуяа гарааны бизнес өөрөө бойжиж зах зээл дээр амьдрах чадвартай болтол нь тэднийг татварын бодлогоор дэмжих хэрэгтэй. Гэтэл хэт өндөр татвар, шимтгэлээс болоод тэр бизнесүүд бойжиж чадалгүй эхэлсэн ажлаа орхидог нь хамгийн харамсалтай зүйл.

-Цаашдын төлөвлөгөө зорилгоосоо хуваалцахгүй юу?

       -“Хээлэн” брэнд  Монгол Улсаас анх удаа Герман Улсын гоо сайхны бүтээгдэхүүний стандарт шалгуурыг давж, албан ёсны экспорт хийж эхэлсэн. Бид дотоод дахь үйлдвэрлэлээ нэмэгдүүлж, олон улсад экспортлох төлөвлөгөөтэй байна.

-Гарааны бизнес эрхлэхээр төлөвлөж байгаа хүмүүс хандаж хэлэх зөвлөгөө байгаа юу?

           -Алхам алхмаар хийх ёстой зүйлсээ байнга сайжруулан урагшлахад дэлхий бидний өмнө нээлттэй. Бид болохгүй, чадахгүй гэж өөрсдийгөө голох шаардлагагүй шүү.

-Ярилцлага өгсөнд баярлалаа.

    -Баярлалаа.


Б.БАЯСГАЛАН: “Helen” брэнд эмэгтэйчүүдийн хөдөлмөр эрхлэлтийг дэмждэг
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1
  • Сэтгэгдэл үлдээсэн: 2023-02-08 08:06:42
    NEWS2023: Энэ бол миний ахиц дэвшлийн гэрчлэл юм. Интернэтээс би нэгэн эрийн мэдүүлэгтэй таарч, тэрээр өөрийн эмнэлэгт байгаа өвчтөнийг 600,000 доллараар аврахын тулд нэг бөөрөө NA HEALTH CARE ([email protected] ) компанид зарсан гэж мэдүүлсэн тул би шийдсэн. Хэрэв тэд миний нэг бөөрийг худалдаж авах сонирхолтой байгаа бол одоо NA HEALTH CARE-тэй холбогдоорой, аз болоход тэрээр эмнэлэгтээ итгэхийн тулд бөөр үргэлж хэрэгтэй байдаг бөгөөд аль болох олон бөөрийг худалдаж авахад бэлэн байгаагаа хэлэв. Тиймээс бид хэлэлцээр хийж, өнөөдөр би олон жил ядуу зүдүү амьдарч байгаад маш их баяртай байгаа тул нэг бөөрөө 600,000 доллараар зарж, ямар ч сөрөг нөлөөгүй. Та сүнсээ аврахын тулд нэг бөөрөө зарахыг хүсч байна уу эсвэл худалдаж авах уу? бөөр бол NA HEALTH CARE-тэй имэйлээр холбогдоно уу: [email protected] Whatsapp дугаар: +19099134258
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188