УИХ-ын гишүүн Х.Тэмүүжин цаг үеийн асуудлаар сэтгүүлчдэд байр сууриа илэрхийллээ. Тэрбээр "Хамтарсан Засгийн газар, тэр дундаа УИХ-д 42 суудалтай намыг энэ засгаас гаргана гэдэг шийдвэр гаргасан. УИХ дээр Засгийн газар болон Ерөнхий сайдын асуудлыг ярьна. Гэхдээ тэдний намын шийдвэр ямар байгаа талаар УИХ дээр яригдах ёстой. МАН бага хурлаасаа гаргасан шийдвэрээ УИХ-д оруулж ирж чадахгүй байх шиг байна. Тэгэхээр УИХ дээр Ерөнхий сайд санал оруулж ирэх байх. Ардчилсан нам шийдвэрийг нь хүлээгээд сууж байна. Ардын нам өөрөө манай намыг урьсан. Бид шийдвэр гаргаад хамтарсан. Тэдний нам хамтарлаасаа больё гэж байх шиг байна. Бид ажил хийе гэвэл ажлаа хийнэ. Ажил хийхгүй бол сөрөг хүчнийхээ байр суурь дээр хатуу зогсож чадна" гэв.